قعدت مرة مع نفسى أشوف مالها مزاجها مقلوب
لقيت كل حاجه فى حياتنا ودنيتنا اللى كانت جميلة بقت شقلوب
ودورت كتير على السعادة لقيت أن معتش أى شئ محبوب
كله بقى ماشى بالبركة حتى الوقت معدش محسوب
دراسة وتعاسة وصدمة ورا صدمة ونبض الحياة خلاص مسلوب
جرحى بقى جلطة كبيرة وصعب أى جزء منها يدوب
لكن صبرتها وقلتلها شدى حيلك كل دا قدر ومكتوب
وقلت اقضيها وأعيش متعايشة وآهى كلها كم سنة يادوب
Saturday, March 31, 2007
مـــــــــــــــــــــــــا لــــــــــــك؟؟؟؟
Subscribe to:
Post Comments (Atom)
8 كومنتاية قليلة تمنع بلاوى كتيرة:
إن شاء الله هولع فيكي بجاز إسود ومهبب
لو سمحتي لحظة واحده أروح أخبط راسي في العمود وآجي
بعد إذنك بقى عشان ناس طلبوني عشان أروح أدن في مالطا
حي على الحياة
واضح إن مفيش فايدة فينا احنا مش في القضية
انا اعرف الناس تدخل تقول احم احم حد من الحريم خالع راسه
وفى روايات اخرى سلامو عليكو
وفى احيان اخرى ياللى هنا
لكن ان شاء الله هولع فيكى دى جديدة لانج
ومين هيسمح لك تولعى فيا
انتى متعرفيش انا بنت مين
وقرايبى مين؟
فوقى يا هانم وراعى فرق السن الى يحتم عليكى انك تحترمينى
الة؟؟؟؟؟؟؟
دنا هشفرك قبل ما تولعى فيا
وبعدين انا كنت كتبا دى تحت ستريس مش تحت السرير ركزى
بعيد عنك اللهم اجعل كلامنا خفيف
حلاوة كان لسا ماشى من عندنا ومخلى الدنيا كلها دارك فى وشى
فقلت بدل ما اكتم فى نفسى اكتب اى حاجه
والحمدلله موووود وبيعدى
زى قبليه كتير
وربنا يسترها معانا
ويبعد عننا الاشعاعات الكئيبة اللى ملت البلد
يلا سلاموتو يا .......
ولا بلاش امبراطوريتى وكرامتى ومش هنخلص
هو مفيش غير حلاوة في البلد ياعالم
هي سودا اجملها منين
ايقى كذاب
لكني عايش وبفكر بوزززي طويل
عادي امي خلفتني كده
لما زلطتني سمتني
لاوم أبق يا ما أطرشق
ولا أولع في روحي
بس شغال
مبعطلش وده الاهم
يارب تدوم
وهفضل فاكرة ان دنيتنا دى يتعاش فيها لآخرتنا مش يتعاش لــــــها
مش دا كلامك ولا ايه
وبعدين بلاش تعلقي المشكله علي الواد الغلبان واذا كان هو كئيب
انت أكبر كدابه
ليها ضحكه جذابه
وبردة الضحكه ساعات بتكون كدابه وانا مش معترضه علي ضحكة كدابه تفك اكتئابه
بل علي العكس
وربنا لا يضيع اجر من أحسن في عمله
الاحسان الحقيقي
وهل جزاء الاحسان إلا الإحسان
اليقين في الله يعديكي في لحظة زي دي
التوكل علي الله
حسن الظن بالله
بجد يومها كان لازم تركزي في المعاني دي
الدنيا مش سيبه وربنا عارف هو بيعمل ايه
وطول عمر الناس في الدنيا بإختلاف العصور
عندهم مشاكل في ناس وقفت تندب حظها
وناس عدت لبر الأمان بحلمها
الصحابه كانو كتير لكن مين ذكر
يعني كان فية مشاكل في الحياة عندهم بدليل أن مش كله أنجز وذكر
ركزي في أي حاجة في ايدك واصبري عليها ربنا هيكون معاكي يقينا
وسيبي بكرة لبكرة وعلي الخالق ارمي حمل بكرة
واعرفي ان باب السعادة ملوش مفتاح عشان الباب دائما مفتوح
عجبت لأمر المؤمن كله خير
لو شكر في السراء
وصبر علي الضراء
الله الله يا سيدنا اكتئاب ... انتو داخلين ف الضلمة كده ليه؟؟؟؟
وحياة ربنا مفيش أجمل من دنيتنا اللي احنا عايشينها دلوقتي
الحاجة الوحيدة الأجمل هيه الجنة وما فيها
لكن طالما عايشين يبقى بإيدينا نغير ونحط السعادة فــ طريقنا
ما تبصوش للدنيا من جانب واحد
صحيح حلاوة كأبو... لكن على نفسه هوه مش هيضربنا لى إيدينا علشان نكتئب ... احنا اللي عندنا الاستعداد للاكتئاب
والله يا جماعه خلاص الحمدلله
المووووود اتظبط
بس
قلت مادام حاجه كتبتها يبقى لازم احطها عالبلوجة
اى نعم اتنيلت بامتحان الاطفال
بس والله راضية
ومتاكدة انها هتحلو قريب اوى
وربنا معانا بقى
والله ياروفى وانت يا سكايار
مش ناسية حسن الظن بالله والتوكل
ولو مشفناش دنيا
يبقى ربنا يسهل بالاخرة
يارب يجمعنا كلنا مع بعض فى الفردوس ويفرح قلب النبى بينا
ونلاقى اللى نعمله عشان فرحة قلبه دى
بس كل اما افوق
اشوف حلاوة
يكئبنى تانى
والدكتور قال لى معتش اشوفه(بطلع لسانى(
يلا سلاموتو
بس براحة انت عليك شوية صور تحفة في البلوج التحفة دا
Post a Comment