خلصت الباطنة...ييييييييييييس

عارف احساس لما تكون قاعد فى مكان غصب عنك ومش طايق اللى بتعمله

ومش طايق أى حد وبتشتم فى كل شئ كان السبب انك تكون فى المكان دا

لا واللى اصعب من كدا انك مش قادر تسيب المكان دا وتمشى

غصب عنك وسورى يعنى بالشوز تستنى لحد ما يعملو فيك اللى عاوزين يعملوه بعد كدا تمشى

وماتمشيش كدا وانت مزاجك رايق

لا ..اطلاقا مطلقن

بتكون واخد الم محترم على قفاك على ما تفوق منه يكون جه معاد المرة التانية

اللى هتروح فيها نفس المكان وهكذا وهكذا

هو بقى دا احساسى وانا فى لجنة الامتحان..وخاصتن لما بكون بمتحن مادة حبيبتى زى الباطنة

يا ســــــــــــــــــــــــــــلام ..دلـــــــــــــــــــــــع

كنت قرفانه من كل شئ واللى فى لسانى حسبى الله ونعم الوكيل فيكى يا فوفو

فوفو دى فايزة اللى حطت الامتحان

يــــــــــــــــــــــــــــــــــاه طيبة اوى

العيال اللى معايا بيقولولى صوتك كان عالى اوى انتى مكنتيش خايفة

قلتلهم ايون طبعن انا مش بخاف الا من اللى خالقنى

ايجابية بقى

اللى مزعلنى ان دا احساسنا ناحية التعليم

بنطحن ونتبهدل وياريت بنفهم حاجه

نو نو للاسف بنفضى اللى يخلص عشان يدخل مكانه الجديد

منهم لله

بالشكل دا بيكرهونا فى التعليم والمستقبل وفى كل حاجه حلوة

ومنتهى الظلم اللى تشوفه معاملة ولاد الدكاترة

فى ايه خير يعنى؟؟؟

حتى لو كان حد منهم صحابك تبقى مش عارف تكرههم

هم ذنبهم ايه يعنى؟

هى الدنيا اللى اتعكس حالها

يلا الحمدلله على كل شئ

اهو كله بثوابه وربنا اللى بيقوى

يارب عالظالم والمفترى واى حد ييجى عالطلبة ويبهدلهم

آمـــــــــــــــــــــــــــين

شخبطة

أشعر بالوحده عندما أحاول اخفاء دموعى عن من حولى ..حينما احاول رسم الضحكة المزيفة الخارجية التى احاول ان اخدع بهانفسى اولا ..حينما احاول رسم البهجة والابتسامة على وجوه من احبهم وان كنت افتقد ان افعل هذا مع نفسى.

ينتابنى شعور مزيج من الخوف والألم والضيق من المستقبل الذى أصبح كل شئ فيه مهددا فقد أصبحت أهدر الكثير من وقتى فى التفكير كيف سيكون غدا وهل سأنعم يوما بالراحه فى ظل ظروف هادئة لا يكدر صفوها أى شئ؟

أنعم فيها بالرضا عن نفسى وعن من حولى .

هل سأكون ناجحة؟

هل سأرى الحرية يوما..هل استطيع أن أفعل كل ما أريد دون الخوف من مجتمع أو ناس ؟

هل الحياة تريد منى كل هذا التفكير أم أنها أبسط من ذلك بكثير..من منّا على صواب من يجهد نفسه بالتفكير ليل نهار

أم من يتركها لحالها تفعل ما تشاء ..

سئمت حياة لا أفعل فيها الا ما يرهق نفسى..تعبنى ضميرى الذى يقوى على كل يوم

أرهقتنى نفسى ..فقد صرت أشعر أننى شخصين شخص يفكر داخليا ويحاول أن يعيد النظر فى كل شئ ويتحدث كثيرا لحاله ..لم يعد يشعر بالأمان والثقة فى التحدث مع أحد

وشخص اخر يريد الحياة جميلة تمر دون تفكير او تعب..

لماذا أصبحت هكذا؟؟

ترانى مخطئة ؟

ولكنى أشعر ان هذا واجبى نحو الامانه التى وهبنى الله اياها

وان كان هذا يرهقنى ويتعبنى ويؤلمنى كثيرا

هل ستصفو سماءنا وتبتسم لنا أيامنا بعد طول انتظار ..

ليس من حقى التفكير فى هذا حيث كونها امور ربانية

أم ان لى الحق بعد أن صرت قلقة على كل شئ ؟؟

فى ظل كل هذا القلق والخوف أذهب متضرعة الى ربى

وأسأله رحمة يهدى بها قلبى ويلم بها شعثى وينجينى بها من كل سوء فهو ملجئى الوحيد وليس لى سواه

من وحى الهلوسة

اذ فجأة وانا اجلس كعادة سموى حطه رجل على رجل

اتناول كوبا هنيئا من الكوفى ميكس فى المج الشيك اللى العيال جايبينه هدية حصولى على زمالة الجراحين البريطانيين

فى الامراض العاطفية

دق جرس الباب

يا ميرفت قومى شوفى الجرس

حاضر ياهانم

مين يا ميرفت؟

دى وحدة بتقول انها صحبة حضرتك

صحبتى مين؟

خلاص دخليها وهروح اشوف مين؟؟

اهلن اهلن ازى حضرتك

اهلا يا حببتى عملا ايه؟

ازيك وازى اخبارك؟

انا الحمدلله الدنيا شوية تلطش وشوية تتعدل وكله بيعدى

لا لا متزعليش نفسك ربنا يحوش

اخباركم ايه؟

بباكى ومامتك واخواتك؟

اه تمام الحمدلله

بابايا......بابايا...اه

بابايا زهق مننا فكلم ناس صحابه انتيم يعنى بس مش بيطيقهم من الساحل الشمالى
جم اخدوه وهناك بقى قاعد مع كوادر لعب الصلح فى العالم بيتدربوا لان عندهم بطولة
ولسا مجاش اصله لسا مش عارف يخرج من الدور اصل يا ستى الفورة من 3 وقربت تخلص ان شاء الله

ادعيله بقى اصله وحشنى اوى

ومامتي ياستى شايلا مسئولية كل حاجه دلوقتى دنا كنت فكراها بقى هتقعد فى جنب زعلانة وكدا بس الحمدلله
طلعت شطورة وجامده بتحاول تخلى الايام تعدى وبكره هتفرج ان شاء الله

اخواتى بقى

البت فتلة ياعينى خست من كتر ما بترفع فى الخيط

من البلوجة للمسنجر للغسيل للبلكونة ايون طبعن عشان تنشروتليفونات مبتبطلش لوك لوك

راحة تحضر دبلومة اعلام اهى متعرفيش ليها حد يجيب شهادة خبرة
اى حد مزور او مرتشى كدا..الناس دى محترمة جدا على فكرة

بوتانستو بقى متببهدلة فى المواصلات راحة التدريب جايه من التدريب
من الكلية للرصيف لبنت الدادا اللى عملا عقلها بعقلها (بينى وبينك عقلها خف شوية)

وال ايه كانت عوزا تروح بلطيم ورشيد رحلة يا ماما رحلة
اجبارى تبع الكلية يا بت دا احنا نصيع على بلد

وكتب الطب النبوى ايه؟

خلى بالك يا عمتو شامبو هربل فى مادة مسرطنة

ترد عمتو طب واحنا هنعمل ايه فى الكمية دى يا بنتى

خلاص بقى يا عمتو وزعيها على روح ون ترو وخلاص

ترد عليها لااااااااااا

وتاخد نفس القلم اللى اخده معتز فى ظرف طارق شنبى لا يا معتز

المخيف بقى صاحب المشاريع العملاقة

كان ناوى على مشروع حمام ورست فى الاخر على عصافير نظرن لخلافات بينه وبين الست الوالدة

الواد دا عليه عضلات ..ليه هيبة ياعم الحاج

بس واد سوسة وبيعرف يحوّش

طيب والعيال بتوع التيم؟؟ايوة البتاع دا اللى كان اوله حلم واخره دموع

اه التيم بتاعى

نبدا بمستر اكس حلاوة
ماشاء الله محلك سر مقيم فى شاليه فى الدور التانى بيطل على البلوجات
بس الشاليه هواه ايه؟؟ بحرى
قاعد يذاكر شوية عيال مطلعين عينه

صعبان عليا اوى... نفسى احل له المشكلة ضهر كراسى البيت عندهم فيه مسامير كل اما يقعد يذاكر يتشك فى ظهره
يقوم يرتاح على كرسى ايه؟؟ الكمبيوتر...اصله كرسى مريح ويفضل يدعو لفكر البلوجات المتطرف بتاعه
اخرته سودا باذنك يارب

عاشق باشا الكسسيب
ماشاء الله لا تحسد ولا ايه؟احسد الحجات دى بتيجى معاه بالعكس
فى ناس قرايبه من مطروح بعتوله وهناك ايه بقى؟؟

واكل شارب نايم وبياخد مرتب كمان وضاحك علينا وبيقول بيشتغل

تعرفى انا حلمتله حلم كنت بقوله ما تروح ياعاشق

آآآآم رايح مطروح على طول انا بت بركة

سكايار بقى ..كسروله الازاز فصاحب الشغل يعنى بهدله
وهو كرامته وجعته شوية فهيسيب الشغل ومسافر بره وهيفوت اهله وناسه
كان واخد بطولة الجمهورية فى اول كومنت بس تراجع فى الايام القليلة الماضية نتيجة قلة التدريبات

انا غلبت فيه شد شوية

دى اخرة اللى ميسمعش كلام نورانى

مامادو ..الواد دا سوووووكر راح المعسكر ..جه من المعسكر
كان فى شرم اصله من عيلة مبسوطة

وايه كمان متفوق جدا

اول دفعته ولعيب سلة منحرف اقصدى محترف
قاعد يتصل على 0900 مش بيردو متعرفيلوش حد من المسئولين يحل له المشكلة دى؟؟

كوكو بيه الضعيف
مشترك فى كورس مكثف عندنا فى البيت بييجى ينضرب ويتقطع ويقول هضربكم تانى

صدقت نورانى حين اطلقت عليه بوءووو

وبيكره 3 حجات الأرس والعض والخربشة

واحنا متوصيين بيه جدن

واد عثل عثل عثل

سمعتيله يا يارا

البنانيت بقى

لقد انتشر خبر اختفاء بطوط فى العديد من الصحف وقد تم الاتصال بميكى للتاكد من صحة الخبر

وبين لنا ان كانت هناك محاولات دنيئة من قبل والت ديزنى لاختطافه اكثر من مرة

ولكنها فلحت هذه المرة ولكننا لن تنتهاون وسوف نشجب ونرفض وننادى بس مش هندفع الفدية
خسارة يختشى ..هما الوقتى يزهقو ويرجعوها

كلماتى هانم تقضى ايام الصيف اللذيذ الملئ بالبلاوى
فى احدى مصايف مصر المحروسة ولكنه مصيف جميل ومؤرف
ومن الجدير بالذكر انها حصلت على الليسانس وانضمت الى قائمة العاطلين وبتاخد مرتب تمام

ثورة..آل ثورة دا الكمبيوتر بتاعها اللى عامل عليها ثورة ومش عارفه تلمه يا شيخى اجرى كدا ..بلا خيبة

ومنعزلة فى كوخ تحت المنزل ان شاء الله هيروح لها حرامى انا اعرفه هيخطفها ويفصل سلك النت وياخده يبيعه بالمتر

بعد كدا هبلغ عنها واقول ان هى اللى خطفت الحرامى ومش عاجبها حاجه خالص

وهى عرفا بقى علاقاتى .يعنى راحه فى داهية راحه فى داهية

كوين ..عيلة زنانة اوى

بصوت اخنف وعيون مليئة بالدموع ومناخير سايبة

ياماما الاجازة خلصت وانا متفسحتش ياستى

عوزا اروح السيما

طول الاجازة بملى فى الكولمن ويطلع خاين وبعدين اروح اتفسح مع حلاوة يكسحنى

حاجه تقرف والدروس بدأت

انا زهقانه بقى يا ستشى

ديو هانم بقى من يوم ما خلصت وهى راحه جايه على بيتنا ؟؟تسالينى ليه؟
اقلك اصل احنا عندنا وزيرة القوى العاملة ايوه

ماسكه جرنان الوسيط تدور على فرص عمل للشباب يا شيخة روحى اجرى اشتغلى انتى الاول

وعلى فكرة هى مش هتشتغل اصلن ..دى عوزا تشتغل هانم

ولاهتشم الشغل بعينها

معندكيش ليها وظيفه على فكرة عندها موبايل ويتاخد فى تنضيف الشقة 5 جنيه يا بلاش

لا متخفيش امينة دى لو شافت الدهب ادامها متاخدوش

احسن ما تلجأ للطرق الملتوية اصلها معندهاش مبادئ بتاتن

وراحه جايه على
AUC
دى مناظر جامعه امريكيية اصلن


همبكاوى بيه

تسكن فى احدى الاماكن الهادئة بمنزلهم خلفها السفرة وامامها شاشة الكمبيوتر

دخلت عالم جديد وعرفت ناس لانج اظن ان الجو دا لطيف وعجبها

بس ايه بت بنت لذينا بتحب مصر والريس والناس

ولا تشتمش حد ابدن

ووخدا معاد مع الحاجه سعادة بس هى ضحكت عليها وقالت فوتى علينا بكره

هتيجى ليه الحاجه سعادة دا لسا فى 3 ثانوى ووش يلا يا بنتى

ربنا معاكى


نيجى بقى للكوم الكبيـــــــــــــر

ون فولص ثينج

سورى نو ترو ثينج

يييييه اظبط يا لسانى

ون ترو ثينج

اهى ظبطت نحمدوه

راحه فين يا ون راحه كايرو جايه منين يا ثينج جايه من كايرو

والله نضفنا وبنروح كايرو

عملا فيها مذيعه ورافعه الطرحه كحكه لفوق عملا فيها ناريمان ابو الخير

فوقى يا هانم شوفى انتى مين؟؟

مش اى حد يروح كايرو

الله يرحم زمان وعيب كدا يا كماعه
وكيس الكرانشى اللى بتحطى ايدك فيه لوحدك

والمركزية بقى ولا بلاش

انتى مؤدبة يا نورانى

تيجى لينا بالسلامة وحشنا جمالك ورقتك وغباوتك

بس هى دى اخبارنا يا ستشى على رأى كوين


واسكتى بقى اصلى بكره الغيبة والنميمة نفس كرهى للغباء والكذب والتخلف

استغفر الله.. ربنا يسامحنا بقى

نورتينى والله

يلا سلاموتو

هابى بيرث داى تو..مـــــــــــى

انه فى مثل هذا اليوم

1572007

أصبح عندى الان 22 عاما

كبرت أوى

أنا بجد زعلانة

زعلانة على أيام ضيعتهافى حجات ملهاش لازمة..كتير بيفوت مننا حجات كتير

لكن فى وقت قصير ممكن ننجز حجات كتير معملنهاش طول عمرنا

اكيد سنين عمرى اللى عدت عملت فيها حجات كتير مفيدة حلوة

لكن الاكيد اكتر انى ضيعت حجات كتير منى بس مهم انى اكون عرفت ايه اللى ضيعته

وبحاسب نفسى لان دا ا طريق الصح

دقت نجاحات الحمدلله كتير

خضت تجارب كتير

واكتسبت خبرات كتير

صاحبت ناس كتير احتكيت بناس كتيروشفت انواع مختلفة

حاولت اتعلم منهم

اخدت ناس منهم قدوة واتعلمت من اخطاء ناس

اثر فى حياتى ناس ورفعت كل قبعات الاحترام والتقدير والامتنان للكثير

وكمان خذلنى ناس كتير

فاتعلمت من كدا ان الدنيا يوم ليك ويوم عليك حتى لو مش متقبلة دا ولكن بحاول افهمه لنفسى عشان اقتنع ومتعبش

مرت عليا أيام مكنتش اتمنى انها تمر ومرت أيام كنت اتمنى انها تطول اكتر واكتر

هزرت كتير ضحكت كتير ولعبت كتير

وبكيت كمان كتيــــــــــــــــــــــــــر

بكيت على احلام كتير محققتهاش ..بكيت على فقد أشياء

بكيت على جفاء صديق..بكيت عندما فقدت ثقة

بكيت خوفا من ربى وشوقا لرسولى

بكيت من فرحتى واحساسى مرة برضاهم عليا

اللحظات دى كانت تطيل عمرى الضعف

وبكيت لما حسيت باستبدال ..وحرمان من طاعة

بكيت لما حستنى صغيرة أدام نفسى

بكيت اما مرة زعلت أمى أو سمعت كلمة منها تضايقنى

انها مرت فى البكاء لما اتجرحت بكلمة من أبى حتى لو كانت دون قصده ولمصلحتى

لا اعرف لماذا؟؟هل هذا هو الطبيعى أم انى حساسة جدا؟؟

بكيت عندما انتظرت ما لم يأتى..وعندما تعشمت فخُذلت

بكيت لما ضيعت وقت كتير مع شخص أو شئ لا يستحق

بكيت لما اكتشفت حجات فيا متأخر

ولكن مع كل دمعه كان هناك تفكير عميق

وتعلمت انهتمر بك الضحكة فتملأ وجهك نور ..وتمر بك الدمعه فتغمرك فى اعماق الاحزان

اتعلمت ايضا

ان العلاقات الانسانية من اهم الاشياء فى الحياة بداية بعلاقتك بربك الى علاقتك باقل شخص عمرا او قيمة فى حياتك

اتعلمت كمان ان هناك مرحلة بعد الدموع قاسية جدا وقتها بتكون شخص مشلول نفسيا..

مش قادرتستحمل اى شئ مفرح او حتى ستريس

يعنى مرحلة بتوصل فيها لاخرك والمرحلة دى بتاثر فى كل حتة فى جسمك مش بس قلبك

والخروج منها بيكون باللجوء لله لانه اكتر دراية بينا من نفسنا

اتعلمت ان اكون مخلصة بس اخد بالى من يستحق هذا الاخلاص

اتعلمت انى دايما اسيب ولو خط رفيع بينى وبين اى شخص لانى مفيش اى حاجه بتحصل صدفة واكيد ربنا قاصد

يوصلنى رسالة من خلال معرفتى بالشخص دا

اتعلمت كمان انى مفيش اى شئ فى الحياة على اطلاقه وكل شئ نسبى وبنحكم على الاشياء من خلال وجهة نظرنا

ومقايسنا الخاصة ورؤيتنا اللى بالضرورى تختلف عن الاخرين

اتعلمت احدد اولوياتى واعمل بيها مش بس لمجرد التحديد

اتعلمت ان فى حجات بتتحس استحالة تتقال

اتعلمت انى فى حجات مش بحس اوى بقيمتها غير لما افقدها

اتعلمت انى احاول اتحكم فى قلبى لانه اذا اتحكم فيا ...انا الشخص الوحيد اللى هيكون خسران

اتعلمت ان خير الامور الوسط وما زاد عن الحد فعلن يتقلب للضد

فهمت حجات كتير كنت بحاول مفكرش فيها

فهمت معنى الابتلاء ......الاصطفاء...الاعتناء سواء الهى او شخصى

عرفت ازاى افهم الاحساس صح واتعامل معاه صح

اشتغلت فى تيم وحسيت ازاى بيكون فى ناس قلبهم على بعض نيتهم واحده وهدفهم واحد

وكلهم فى مركب واحد

حبيتهم كتيرو اتعلمت منهم كتير

لحظاتى معاهم لا تنسى

حسيت ازاى اكون فرد مؤثر فى عيلتى واهمية لمة العيلة والاخوات حولين بعض

الاحاسيس دى علتنى اوى

الحمدلله

اللى اتمناه السنة اللى جايه ان ازداد خبرة

اخد بالى من نفسى اكتر مش بأنانية ولكن باهتمام لانى اهم شخص بالنسبة لنفسى

اتمنى ان ربنا يكون راضى عنى دايما واحس باللى حواليا ويحسوا بيا اكتر

ويارب تحقق كل اللى بتمناه

يمكن دا ميلاد مختلف حساه لمسنى اوى واثرفيا كتير لدرجة انى نفسى اوقف عمرى

لانه قصير ومحتاجه لسا اعمل كتير

ربنا معايا ويخلينى ليا ويهدينى

ويبارك لى فى كل اللى حواليا

ويسمعنى دايما اخبار حلوة عن كل احبابى الموجودين والغايبين

ويطمن قلوبنا وينورها بنوره

يلا كل سنة وانت قمر العيلة يا نورانى وعقبال العمر اللى ربنا مقدره ليكى لأن دا الخير

بس تكونى دايما راضية عن نفسك وربك راضى عليكى

بشر ...لكن انســــــان

اشتقت ليك اوى يا رسول الله واشتقت لحضنك اللى هترمى فيه وابكى بكاء كتير

بكا على ايه ولا ايه؟

بكا على الحال اللى احنا فيه؟

بكا على الحق الى ضايع بيننا

بكا على غربة الواحد عايشها

بكا على احساس بشوق ممزوج بعجز

بكا على احلام كتير كل يوم بتموت

بكا على احساس بفقدك فى حياتنا

وجودك بيننا اكيد كان هيعطينا شعور بالامان

شعور بالحنان...شعور بالراحه

كنت هتهون علينا كتير من مصايب الدنيا

مهما حصل لينا نيجى نترمى فى حضنك ونحكى لك

تخفف عننا وتداوى همومنا وتطبطب علينا بحنية

حنية الاب والجد والحبيب

وقتها كانت هتهون علينا حجات كتير اوى

كنت هحكى لك على ظلم شفته بعينى اكتر من مرة

ظلم انسان لانسان زيه

هحكى لك على مرار دقته فى غياب اغلى واهم ناس فى حياتى

وحشونى اوى

يارب قرب البعيد ورجع أيامى أنا ليّا

ياترى احنا هنستاهل الحضن والحنية دى ؟

ولا مش احنا

احنا اللى هنعزمك ونحكى لك

ولا مش احنا

مش احنا اللى هنفرح قلبك

خوف رهيب بيهزنى من جوا؟؟

احنا ولا مش احنا؟؟

سامحنى انا عرفا ان شوية كويسة وشوية وحشة

بس الدنيا قاسية وحادة وكتير بنشوفها غامقه

مش ذنبنا!!!!!!

الامل فى ربنا كبير اوى بس يارب احنا تعبانين اوى

هون علينا أيامنا

فرج عننا اللى احنا فيه

ونور حياتنا بنور حبايب قلوبنا

واجمع بيننا وبينهم قريب اوى

يمكن دموعنا بقت عاجزة عن التعبير

يمكن من كتر اللى فينا معدناش قادرين نعمل حاجه

بنحاول ننسى ونعيش....

انا واثقة جدا ان فرجك قريب اوى يارب

ومازلت اذوب شوقا لك يا حبيبى

يارسول الله

الهم اقرأه منّا السلام واخبره اننا نحبه

ذكرى

وبعدين يعنى؟؟اخرة اللى احنا فيه دا ؟؟ايه؟؟ يــــــــــــــارب

قلبنا لو نطق هيشتكى....عنده حق...مظلوم معانا ....

شعور الفقد اللى حسه مش سهل .... يهدى يهدى وبعدين تقوم عليه عاصفة صعبة اوى او نسميها نوبة

وقتها بيبقى مش قادر يحس بأى حاجه...مش فاكر من شريط حياته غير اخر ايامه

احاسيس سعادة وفرحة وحيـــــــاة كان مفتقد معناها

بين يوم وليلة وفى عز هناها

وبعد اجمل ليالى فرحتها

اتقتلت كل الاحاسيس دى

اتظلم واتقهر

لكن المرة دى مش ظلم اهل لمواضيع صغيرة

لا دا قهر ظالم... لحلم عمر بحاله

اتقتل الحلم فى عز طفولته ..وساب جوانا جروح ما لهاش آخر

جروح خلتنا فاقدين طعم الحياة ..حتى لو حسيناه بنحسه مر

خلتنا اقل حاجه تعصبنا على آخرنا ..واكتر حاجه تفرَح تخلينا نبتسم

بسمة زيها زى البكا

ناس فينا اتقسموا اتنين .. وناس فقدت الاحساس بالحياة

وناس لسا بتحاول تستوعب اللى حصل ..

بتحاول تستوعب حال ناس كنا بنساعدهم وفقدونا

الناس دى كانت هى مصدر سعادتنا مش العكس

حال شباب شاف فجأة الدنيا بمبى وفى ثانية قلبت سواد عاتم

مش قادر يغير نظرته حتى لوعارف ان دا غلط ؟؟

لكن هيعمل ايه متكتف..والقيود رجعت تانى

فقد القدرة حتى على مساعدة أقرب الناس ليه؟؟

ماهو ازاى هيساعد وهو مش قادر يساعد نفسه؟؟

وبيدور فى دماغه كتير هو دا كان ايه؟؟

اتباع هوى

ولا فرحة بلمة

ولا طاعة لربنا بجد ؟؟؟

اسئلة كتيرة ؟؟؟؟

طيب واللى حصل دا ليه؟؟

استبدال

ولا حرمان من نعمة

ولا غضب

ولا رسالة عشان نعمل حاجه احسن؟؟

ولما بسمع

اذا اردت ان تعرف قدرك عند مولاك فانظر فيما يستعملك

سهم بينضرب فى قلبى

دا معناه ايه؟؟

انا فين فى الحياة ؟؟؟وعند ربنا فين؟؟

بنحاول كتير نضحك بصوت عالى لكنها بتبان كدبة

بطلوا كدب على نفسكم ..عنيكم بتقول كل حاجه

ايوا

بتقول انها كل يوم دموعها مش بتنشف حتى لو بكت بالساعات

بتقول ان المخده بدأت تشتكى من دموع.. وأرق.. وقلق

بتقول لحد امتى هنفضل كدا؟؟؟

بتقول انها محتارة....ربها راضى ولا زعلان؟؟؟

بتقول خلاص بقى حاولو تفوقوا؟؟

العايط على الفايت نقصان فى العقل

اهو كلام!!!!

الاحساس بشئ.... حاجه جميلة اوى والعمل ليه والسهر فى التفكير فيه

احنا كنا حبينا خلاص!!!!

لكن فاضل ذكرى ...نفتكرها..و نبتسم ونتبسط لفترة قليلة

بعدها تبدأ النوبة اياها تانى

وبتظهر كمان مع التعرض لاى حد منهم

تفتكر دنيا جميلة ..وافكار جميلة ..وأحلام اجمل؟؟

بعدها تدخل فى ضربة على دماغك قاسية اوى ..يمكن تفضل لمدة كبيرة متضايق

اكيد فى حل!!؟؟؟؟

الحل فينا بس مش عارفين نعمله ؟؟ايه اللى مقيدنا

خيبة ولا غباء!!!!!

ولا زهق وفيلم اتحرق!!!

بدايته.. احساس بربنا اكتر شوية وتظبيطات وشغل اكتر

واكيد هتفرج...

اينعم هما قتلونا وحرمونا

بس عرفونا ناس من زمان كنا نحب نقابل زيهم

اتعلمنا من بعض كتير

احنا كمان بنوعدهم

كل يوم باليل ينتظروا دعوات من قلب ام مفطورة على ابنها اللى مات فى عز فرحته بطفولته

ويا بختهم بدعوة المظلوم بقى!!!

يارب ان سألتنى عن ذنبى

لأسالنك عن رحمتك

ولان سألتنى عن معصيتى

لأسألنك عن عفوك

وان قذفتنى فى النار لأخبرن أهل النارأنى

أحبك

حبايبى

لو قعدت أقول وأقول

على لمتنا كلامى يطول

يا جرين كورنر يا كوك دور

حزن وضحكة وضلمة ونور



ازاى نحيا من غير يحيى

دا طلعلى من ايها ناحية

مرة اخويا ومرة زميلى

يلا نقول له كلنا...تحيا


أما فوفو حفيدة خوفو

تملك قلب نونو ملفوفو

قلبى هناك عندها مكشوفو

بيفضفض وبينسى كسوفو

وبقولكو اهو بكره تشوفو

حد مهم كبير.... معروفو


خوختى خلود ...نسمة تعدى عالخدود

فرحى معاها كتير موجود

قلبى ليها ديمن مشدود

فيها براءة بيبى مولود

طيبة قلبها ما لها حدود


وأما أقول الواد اسلام

خفة دم.... وضحكة جنان

فيه حنية وطيبة كمان

محيرنى معاه بقالو زمان

اوعى تقول للدنيا سلام

ركز حبة ..هتبقى تمام


يمنى يا يمنى يا ضحكة يومنا

تبقى كبيرة وتقلب نونة

لما تحب ..تحس وتدى وتحب القرآن والسنة

بتزعلنا كتير وتلمنا

بردو يايويو ساكنة عيوننا

اما يارومى يا نن عيونى

انتى يارورو فرحة يومى

بتخففى وتداوى همومى

قلبك نعمة يارب تدومى

دى بقى .....سارة

خفة دمها تبنى عمارة

قلبها دوت قلب خيارة

دموعها كتيرة ومش بخسارة

طيبة..رقة ..حنان..انا فيكى محتارة

مالية حياتنا بهجة يا...سارة

أما شريف أبو دم خفيف

فيه حنية وقلب نضيف

عندى مهم..لذيذ ولطيف

بس كتير ليه بتبقى عنيف

ليه حبيبين..واحد عاقل والتانى ظريف

اما اذا قلنا محمد ناجى

يبقى دا واد من النوع الهادى

رايق...ذوق جدن...ومزاجى

نايم ليل ونهار ..دا العادى

شوية وهيقول ..مامى ودادى

باقى حبايبى الصغيرين

كبرتوا بسرعة اوى يا حلوين

ديمن من حبنا واخدين

ولقلوبنا تملى قريبين

خصوصن سوفة نور العين


دى احلى لمة شفتها عيونى

بنسى معاهم نفسى ونومى

بحس معاهم اجمل فرحة

بيهم بنسى الدنيا الجارحة

يـارب تخلينا لبعض

نقوى بعض ..نسند بعض


يــارب تنولنا الجنة

وتهدينا وتروق بالنا

يارب فرح بينا... نبينا

واخرم عين ...اللى يقر علينا

العلم نوووووووووووور

اتعلمت كتير أوى ....ويارب استفيد دايمن من تجاربى

اتعلمت أن العطاء طعمه حلو أوى لكن اذا زاد عن حده بيمرر

اتعلمت أن صعب أوى أثق واللى أصعب عليا فقدان الثقة

اتعلمت مفتحش قلبى غير لربنا عشان افضل كبيرة فى عين نفسى

اتعلمت أنى معملش حاجه مش عايزة أعملها ومجيش على نفسى عشان خاطر حد

اتعلمت أنى مغالطش نفسى واشوف الصح صح والغلط غلط من أول مرة

اتعلمت ان اكتساب شخص بحبه شئ رائع وان فقدان شخص بحبه شئ قاتل

اتعلمت ان علاقتى بربنا أهم علاقة فى الوجود

اتعلمت أنى احب 70% واتعشم 30% بس عشان متعبش

اتعلمت ان أنك ترضى البنى ادمين صعب واللى تركز عليه رضا ربنا

اتعلمت كمان انى لو ركزت فى حجات كتير فى الدنيا هتعب

اتعلمت ان اللى بيحب حاجه بيبذل لها من وقته وماله وجهده ما دامت على مزاجه

اتعلمت ان احيانن من أجل المصالح نتصالح

اتعلمت ان كتابى اكتر حد قادر يساعدنى بعد ربنا طبعن

اتعلمت ان بابايا ومامتى تعبوا عشانى كتير ولازم اراعيهم قبل اى حاجه

اتعلمت كمان ان اللى ملوش خير فى اسرته ملوش خير فى حد

اتعلمت أن الحب معنى كبير اوى مش اى حد يستحقه

اتعلمت ان الطبطبة احساس رائع لمن يستحقه

اتعلمت ان اجمل لحظه فى الحياة لحظة نجاح لناس حواليك بتحبهم وليك

اتعلمت انى ممكن اتعلم من ناس اصغر منى اللى متعلمتوش من الكبار

اتعلمت ان الاحساس الصادق مكانه القلب مش اللسان

اتعلمت انى لو لم استطع ان اصنع نجاحى لنفسى لا اريد ان احيا فى نجاح الاخرين

اتعلمت انى لا املك الحكم على الناس لانهم معينونيش قاضى

اتعلمت كمان ان فرحة الانسان غالية اوى

واتعلمت ان الدموع مهم تنزل فى اوقات كتير ودا لايعتبر ضعف

اتعلمت اتعامل مع نفسى على انها شخص تانى قريب منى اوى

اتعلمت ان التعبير عن الحب أهم من الحب نفسه

اتعلمت ان سهل اوى تقسى اذا ما جربتش طعم القسوة

اتعلمت ان كل انسان له مساحة من الحرية لايحق لاى حد التدخل فيها حتى اقرب الناس ليه

اتعلمت ان الدنيا بتلف واللى بتعمله النهاردة بيترد ليك بكره سواء حلو او وحش

اتعلمت ان الفراغ احساس قـــــــــــــــاتل للى عايش فيه

اتعلمت ان الكدب اسوء صفة

واخييرن اتعلمت ان الصدق يبدأ بصدقك مع نفسك

ولسا ياما هنتعلم

philosophy of life

1. Life isn't fair, but it's still good.

2. When in doubt, just take the next small step.

3. Life is too short to waste time hating anyone.

4. Don't take yourself so seriously. No one else does.

5. Pay off your credit cards every month.

6. You don't have to win every argument. Agree to disagree.

7. Cry with someone. It's more healing than crying alone.
8. It's OK to get angry.

9. Save for retirement starting with your first paycheck.

10. When it comes to chocolate, resistance is futile.

11. Make peace with your past so it won't screw up the present.

12. It's OK to let your children see you cry.

13. Don't compare your life to others'. You have no idea what their journey is all about.
14. If a relationship has to be a secret, you shouldn't be in it.

15. There is no key to happiness; the door is always open.

16. Life is too short for long pity parties. Get busy living, or get busy dying.

17. You can get through anything if you stay put in today.

18. A writer writes. If you want to be a writer, write.

19. It's never too late to have a happy childhood. But the second one is up to you and no one else.

20. When it comes to going after what you love in life, don't take no for an answer.

21. Burn the candles, use the nice sheets, wear the fancy clothes. Don't save it for a special occasion. Today is special.

22. Over-prepare, then go with the flow.

23. Be eccentric now. Don't wait for old age to wear purple.

24. The most important organ is the brain.

25. No one is in charge of your happiness except you.

26. Frame every so-called disaster with these words: "In five years, will this matter?"

27. Always choose life.

28. Forgive everyone everything.

29. What other people think of you is none of your business.

30. Time heals almost everything. Give time time.

31. However good or bad a situation is, it will change.

32. Your job won't take care of you when you are sick. Your friends will. Stay in touch.

33. Believe in miracles.

34. Your true integrity is simply what you do when nobody is watching.

35. Whatever doesn't kill you really does make you stronger.

36. Growing old beats the alternative -- dying young.

37. Your children get only one childhood. Make it memorable.

39. Get outside every day. Miracles are waiting everywhere.

40. If we all threw our problems in a pile and saw everyone else's, we'd grab ours back.

41. Don't audit life. Show up and make the most of it now.

42. Get rid of anything that isn't useful, beautiful or joyful.

43. All that truly matters in the end is that you loved.

44. Envy is a waste of time. You already have all you need.

45. The best is yet to come.

46. No matter how you feel, get up, dress up, and show up.

47. Take a deep breath. It calms the mind.

48. If you don't ask, you don't get.

49. Yield.

50. Life isn't tied with a bow, but it's still a gift.


There will be times when you find yourself in situations that seem impossible to deal with.
Maybe you are in one, now. Perhaps you're in a dead end job, or a relationship that seems to be
going nowhere. Maybe your family is driving you crazy.

Whatever your situation, remember, many people have stood in your shoes. They found a way to overcome obstacles and solve problems. But, how did they do it? They figured out a way to keep a positive attitude though the hardest of times.
They did not focus on the gloom, but on the resolutions. If they could do it, so can you.

A positive attitude is yours for the making. Grab it now and turn those bad situations into mere bumps in the road of life.

مـــــــــــــــــــــــــا لــــــــــــك؟؟؟؟

قعدت مرة مع نفسى أشوف مالها مزاجها مقلوب

لقيت كل حاجه فى حياتنا ودنيتنا اللى كانت جميلة بقت شقلوب

ودورت كتير على السعادة لقيت أن معتش أى شئ محبوب

كله بقى ماشى بالبركة حتى الوقت معدش محسوب

دراسة وتعاسة وصدمة ورا صدمة ونبض الحياة خلاص مسلوب

جرحى بقى جلطة كبيرة وصعب أى جزء منها يدوب

لكن صبرتها وقلتلها شدى حيلك كل دا قدر ومكتوب

وقلت اقضيها وأعيش متعايشة وآهى كلها كم سنة يادوب

لسا فاكرة

كنت فاكرة ان خلاص الدنيا ضحكت وهتنسينا جرحها

كنت فاكرة ان خلاص لقيت طريق آخره جنة نلتها

كنت فاكرة ان خلاص ولادى هيعيشو فى نهضة انا اللى عملتها

كنت فاكرة ان خلاص هنرسم ضحكة بعد دموع كتير من قبلها

كنت فاكرة ان خلاص هنقضى عالسجارة ونمحى سمها

كنت فاكرة ان خلاص هنقطع كل الامراض من جذرها

كنت فاكرة ان خلاص شغلنا ايدينا وشفنا طرحها

كنت فاكرة ان خلاص هاكل لقمة نضيفه انا اللى زرعتها



لـــــــــــــكن خلاــــــــــــ ص

بس

لسا فاكرة احلام كتير يا ما حلمتها

لسا فاكرة ليلة جميلة اللـــــــه عليها وقتها

لسا فاكرة عطرفايح والتذاكر والبروفات كلها

لسا فاكرة الولاد والبنات وفرحة عنيهم....ايوا شفتها

لسا فاكرة ابنى اللى مات بعد ايام جميلة معاه عشتها



وهفضل فاكرة ان دنيتنا دى يتعاش فيها لآخرتنا مش يتعاش لــــــها

بنت يعنى جيييييرل

أحب ف البنت صدق مشاعرها

أحب فيها حنيتها

أحب فيها رقة قلبها ودمعتها القريبة حتى فى قسوتها

أحب فيها نعوميتها

أحب فيها ودها وطبطبتها

أحب فيها خفة دمها وطعامتها

أحب فيها جمال روحها ورقتها

أحبها نضيفة أروبة مركزة فى كل حاجه فى حياتها

أحبها فى الاطتطها وأنتكتها وأما تاخد بالها منها فى شياكتها

أحب أوى جديتها....وأحبها لما تحط حاجه فى عقلها وتبقى أكبر منها مش بس أدها

أحبها لما تكون بمليون راجل.....وأحب شهامتها وجدعنتها


أحبها لما تحب وتخلص فى حبها وصداقتها

أحب احتواءها.....أحب طنطيطها........أحب جنونها وفرحتها

أحب صدقها ووضوحها وصراحتها

وأحب أشوف عنيها فى حزنها وضحكتها

وأموت فيها وأعشق ودها .......صفة من الودود متوفرة أظن عندها

أحبها فى حرصها عاللى حواليها وجنبها

وأحب فيها كبرياءها...وكرامتها...وعزة نفسها

وأحبها لما تمسك الدنيا فى ايديها وتبقى لعبتها

ومتقربش من قلبها ويفضل قلبها فاضى لآخرتها

أحبها فى عملها فى صمت،وعطاءها الى ملوش حد

أحبها فى حسن انصاتها ونصيحتها

أحبها اجتماعية شاطرة،خاطفة قلوب كل اللى حواليها بشطارتها

أحبها أخت.. تمسح دموع اخواتها

أحبها ابنه.. مطيعة..خلوقة..تخفف هم ..ترسم ضحكة..تشيل مسئوليةالبيت واخواتها

تنور حياة اللى ضحوا وسهلو لها حياتها

أحبها زوجه.. تهتم وتدلع وتصون بيتها وتراعى ربها فى عيلته قبل عيلتها

وأعشقها أم ...تصاحب وتلم حواليها ولادها

وأموت فيها جده.. تغرق فى حنيتها أحفادها

واتمزج أوى من عقلها ورزانتها..وتملى دماغى لما تكون عارفه مصلحتها

وأعشقها لما تحب ربنا ورسولها وتخلص فى حبها وعبادتها

مسلمة بجد..قدوةصح.. لكل اللى يقرب ناحيتها

هو انا مسقط شبكه؟؟؟؟؟؟؟؟؟؟؟؟؟؟؟؟

الواحد مننا عامل زى النوبايل

ممكن تكون شبكته عالية زى فودافون مثلننننن

او احيانن أوت أوف كافرج

أو من غير شبكات خالث وفى الحالة دى يكون جهاز من غير شريحه

هتقولولى الواحد سعات بيكون مش قادر واذا مثقطش هيموت

دا طبيعى بس المهم الاساس أو الاصل فى علاقاتك ايه بالناس

اذا حاطط اساس صح ورحت هنا او هنا او سقطت شبكة فترة هيكون ليك مخزون عند الناس واكيد هيقدروا فترة الريست دى لانهم عارفين الاصل ايه؟؟؟؟؟


يافرحتى بموبايل فون بوككه مليان كونتاكتس بس مسقط؟؟؟؟؟؟؟؟؟

هيقدر يوصل للى حواليه ازاى؟؟؟؟؟؟؟؟


ولا الجاليرى مليان بخيرات ربنا وبردو مسقط محققش الغرض المطلوب منه

يعنى الواحد فينا لو قال انا هركز فى التعليم والنجاح او اى حاجه على حساب الحجات التانية

اكيد فى الاخر هو الى هيكون خسران لانه هو الى سقط من الاول

والعلاقات اولها علاقتك بربنا وطبعن دى اصعب حالات التسقيط او السويتش اوف

لان العلاقة دى اهم شئ فى حياتنا واذا فى اى وقت حسيت ببعدك عنه لازم تلحق بسرعه وتظبط لان التمادى فى فترة الفتور دى وحش اوى


ثانين علاقتك بنفسك

فوق ليها وظبطها واوعى تسقط لها او تنفض لها احنا اتفقنا ريحها عشان تريحك ماهى لازم تاخد

مقدمات كويسة عشان تديك نتايج ترضيك

اذا اديت لها ارف وملل وفشل هتطلع عنيك وتبهدل جسمك وتقول على نفسك يا رحمن يا رحيم


ثالثن علاقتك بقرايبك لازم تكون فى اطار لذيذ ويكون فيها عطاء وحاول على قد ما تقدر زى ما بتاخد عطاء من حد لازم تقدره لان التقدير من اهم احتياجات الواحد فينا ولا ايه؟؟؟؟؟؟


رابعن صوحابك

دول الحاجه الوحيده الى انت اخترتها بمزاجك

حافظ عليها زى عنيك لان الفريند شيب دى من اهم الاشياء فى الحياة وبردو لازم يكون فيها خد وهات طبعننننننن

بس هنا بقى نفسويييييييين

لان النفسويات هنا اهم بكتير اوى من اى حااااااجه

وأظن ان مفيش وجود للماديات

ييجى بعد دا كله العلاقات المؤقتة اللى بيمر بيها كل واحد فينا

يعنى كل فترة فيها ناس ثابته على طول وناس بتقضيها معاهم بس اهم حاجه التنويع عشان متزهقش

خد من كل جنينة ورده

واظن ان الكلام دا مطابق لنظرية المدارات بتاعت ابوننوس اقثد ابولونيوس عيلتنا الكريمة

الاخ حكمنى كئيب

واظن بردو ان دا يوفر لكل واحد فينا راحه نفسية والى هى طببببببعن اهم من الراحه الجسدية

وكفاية انه ظابط الشبكة على شرطتين تلاته فى كل حاجه مش مسقط حاجه على حساب التانية

وبكدا يبقى الموبايل شغغغغغال تماموز

و45 دقيقة فى الشهر وال 7 جنيه مش بتتسحب

والشبكه كمان تماااااااااااام

وتبقى حياتنا كلها سوبر دردرشة وفرفشة ونعنشة


يلااااا سلاموتو

هو عيب أنى أحسن الدعاية عن نفسى

ديمن روفى كانت تقول للناس أصلها (عليا يعنى ) تحسن الدعاية عن نفسها


وأنا شيفه أن دا مش عيب بالعكس دا ميزة اللهم لا غرورو


لو ما أحسنتش الدعاية عن نفسك مين ممكن يحسن لك وخاصتن فى زمن زى الى احنا فيه دا كل واحد وراه الى وراه ومشغول باللى هو فيه ومحدش عنده وقت للتانى

...........

فاذا انت موقفتش جنب نفسك وحاولت تقويها تفتكر مين ممكن يقوم لك بالدور دا؟؟؟؟؟؟؟

طيب نديكم مثال محلول؟؟؟؟

لو واحد عنده منتج جديد وعاوز يحقق مكاسب جامده تفتكروا ينفع من غير اعلانات ؟؟؟

ماأظنش

طيب يعنى الناس هتعرفه منين؟

لا دا لازم اعلانات واعلانات جامده جدن كمان

عشان يقوى نفسه ويكسب ثقة الى حواليه

عشان كدا أنا يا رورو أفخر أنى أحسن الدعاية عن نفسى اللهم لاغرورو برده

طالما أنه مدخلنيش فى اطار الغرورو أو التاليف يعنى مالفتش حجات مش عندى

لازم تكون عارف نفسك وعارفها أوى جدن خالث

ويكون كمان عندك ثقة فى نفسك لأن ثقتك فى نفسك هى الى بتكسبك ثقة الآخرين لان ثقتى أنا الأساس وثقة الى حواليا دى بتكمل العمارة فلو أنا بيظه يبقى العمارة هتقع هتقع

نفسك دى شئ غالى عليك أوى كفايه أنها من ربنا

وهى أصلن مش بتاعتنا دى أمانه وهنرجعها فى الآخر عشان كدا لازم نحافظ عليها ونحطها فى عنينا وزى ماقالت هدى(كونن)

ريحها عشان تريحك

حاول تعامل نفسك على انها شخص تانى والشخص دا انت بتحبه يعنى تتمنى تشوف ضحكته واذا لقيت دمعه تحاول تمنع نزول التانية

وخدها وحده وحده وبالراحه هتلاقى نتايج عظيمة جدنننننننن
ودايمن زق نفسك ومتستناش زقه من حد.

اذافرطت فى حق نفسك ازاى هتطالب الى حواليك بحقك عليهم؟؟؟؟؟؟؟

وزى ماقالت رومى الاوزعه

يوم القيامة كل واحد فينا هيتحاسب على نفسه اولننننن

عشان كدا بقى براحتك تحسن الدعاية تولع فى الدعاية تدورعلى رعاة يظبطوك

ربنا بقى يقويك بس دلعها وريحها

عشان تسلم الامانه فى الاخر سليمة مفيهاش تعويرة

يلا سلاموتو

أول نقلة

زمان وأنا صغيرة كنت فى مدرسة الهدى والنور مدرسة نضيفة جميلة والناس الى فيها كلهم محترمين

بنروح الاسكووول بالباص وبنرجع مدمدمين اخر النهار بردو بالباث وكانت كل دروسنا فى

البيت يعنى مشفناش فى حياتنا الا كل شئ كويس .وصوحبنا الاتشيلدرن كلهم كانوا طيبين وطعمين

سواء جيرلز اور بويز .....يــــــــــــــــــــاه كانت أيام

ومقضينها انجليزى رفيع وانجليزى تخين والمستر والمث وكانت الدنيا فلة كنا بنتبهدل فى السفر بس كانت ايام تـــــــــوحفه


المهم نيجى بقى لأول نقلة بعد زن كبير من شخصين ربنا يسامحهم أ.عبد المنعم وعمو عباس زنو كتير عشان نيجى بلاء قاسى

ياعم هاتهم هنا يبقو معانا فى المدرسة ويخدوا دروس وكفاية عليهم بهدلة وطبعن الزن على الودان امررر من السحر سمع كلامهم الراجل الطيب وجينا على ملى وشنا ......واليكم اول الصدمات
ايه دا احنا بنتبهدل فى دروس وبنخرج برا يـــــــــــــاى

وكمان اماكن الدروس مش نضيفه
واختلاف فى اسلوب المدرسين وبيشتموا وحجات غريبه ايه دا؟؟؟؟؟؟؟؟

كنا عاوزين حد يقول لنا عيشوا عيشة اهاليكو

وكله طبعنننن كوم وصدمة المدرسة كوم تانى خالث رحت المدرسة أول يوم انا وروفى كنت فى تانيه اعدادى وروفى كانت فى تالته اعدادى وكانت معايا صحبتى من هناك هالة حولت معايا فى نفس السنة ........ المهم طلعنا الفصول ايه البشاعه دى؟؟؟؟؟
ايه المدرسين دول؟؟؟؟؟؟

فين أيام مس سلوى ومس لى لى

والفصول مالها كدا مش نضيفه ؟؟؟؟؟؟لا وايه كمان كل ديسك هينضف الفصل يوم نعم نعم؟؟

سوفاج خالص المهم بنحاول نتعايش على رأى (البش مهندس )ونقابل بعض فى الفسحة اناوهالة نعيط ونقول عاوزين نرجع مدرستنا وكان ايامها داليا عامر جايه من الصون فاميه وكلنا عيال رقة وملناش فى البهدلة وقرفانين من كل حاجه فى الحياة


المهم بعد الارف دا كله واصلن الواحد مش طايق نفسه الاقى بنت فى الفصل بتقولى يا سقعانه نعم نعم؟؟؟؟؟؟؟ ايه؟ انا عمرى ما سمعت اللفظ دا اصلن واعدت اعيط وروحت البيت اقول لبابا مليش دعوة وحده شتمتنى

المهم ايه الى حصل لها بقى أ.عبدالمنعم وعمو سامى عرفوا وعينكم ما تشوف الا النور البت اتشلفطت تانى يوم كل شوية حد يعدى على الفصل يهزقها انتى ازاى تشميها انتى مش عرفا دى مين؟؟؟واللى اكتشفته بعدين ان البنت دى اصلن هزارها كدا وطبعن فضل بيننا استغلاس نفسى فترة وبعد كدا بقينا زى السمن على العسل ؟؟

مابدأتش اتكيف واتبسط واستكنيص غير مع أول نتيجة ترم كانت بجد توووووحفه احسن نتيجه أجبها فى حياتى وكنت منفهشة ومبسوطة ولضمت مع صحاب كويسين وبدات الحياة تعدى وانسى ايام النضافه والهدى والنور بس كانت نقلة لذيذة وكويس انها جت بدرى عشان الواحد يلحق يظبط ويعامل كل الناس ويشوف الحلو والوحش وربنا يرحم أيام الناس النضيفة والمدرسة النضيفة

ويــــــــــــــــــارب النقلات الجايه كلها تكون خيـــــــــر

سلاموووو عليكووووو

ازيكم يا عيال اصدى يا شباب الثنانيع

وحشتونى كلكم ووحشتنى المرحومة

ووحشتنى لمتنا

لانى مشفتش اى حد من زمان

وذلك لظروف امتحانية بحتة

ربنا يسامح بقى الاطفال وقرفهم

بعد ماقفلولنا القاعه الحمدلله فضلت لمانا روح حبنا فى الله والجروب طبعن والوقتى البلوجات واظن دول مش هيقدرو يقفلوهم

ربنا يجعل كلامنا خفيف

احنا اساسن عيال لازقة زى النمل بنشوف اى حاجه نتلم عليها


بجد جو البلوجات توحفه واحلى حاجه فيها

انك فى نفس ذات اللحظه بتحس بحجات مختلفة

يعنى تدخل على دكتور مستكنيص تلائيك عيطت تلف على ابو طويلا تلاقيك سخسخت

تنط على عاشق الروح تلائيه صعبان عليك خالص وبالمرة واحنا فى الشونة نعدى على الفصيحه تلاقى دماغك تقلت واتسطلت

ومنها الى الحساسة ميناس تتملى احساس ثم الكئيب تقول هو الواد دا مش هيعقل بقى

وهكذ وهكذا
تقوم فى الاخر حاسس بتقل فى نفوخك تترمى عالسرير وتقول ربنا يسامحك ياعمرو يا خالد انت السبب فى المعرفة ال؟؟؟؟؟؟؟؟؟؟؟ دى

ربنايخلينا لبعض ونقوى ديمن ونقوى بعض