Monday, November 12, 2007

خلصت الباطنة...ييييييييييييس



عارف احساس لما تكون قاعد فى مكان غصب عنك ومش طايق اللى بتعمله



ومش طايق أى حد وبتشتم فى كل شئ كان السبب انك تكون فى المكان دا


لا واللى اصعب من كدا انك مش قادر تسيب المكان دا وتمشى



غصب عنك وسورى يعنى بالشوز تستنى لحد ما يعملو فيك اللى عاوزين يعملوه بعد كدا تمشى



وماتمشيش كدا وانت مزاجك رايق
لا ..اطلاقا مطلقن
بتكون واخد الم محترم على قفاك على ما تفوق منه يكون جه معاد المرة التانية


اللى هتروح فيها نفس المكان وهكذا وهكذا



هو بقى دا احساسى وانا فى لجنة الامتحان..وخاصتن لما بكون بمتحن مادة حبيبتى زى الباطنة



يا ســــــــــــــــــــــــــــلام ..دلـــــــــــــــــــــــع



كنت قرفانه من كل شئ واللى فى لسانى حسبى الله ونعم الوكيل فيكى يا فوفو



فوفو دى فايزة اللى حطت الامتحان



يــــــــــــــــــــــــــــــــــاه طيبة اوى



العيال اللى معايا بيقولولى صوتك كان عالى اوى انتى مكنتيش خايفة



قلتلهم ايون طبعن انا مش بخاف الا من اللى خالقنى



ايجابية بقى

اللى مزعلنى ان دا احساسنا ناحية التعليم



بنطحن ونتبهدل وياريت بنفهم حاجه



نو نو للاسف بنفضى اللى يخلص عشان يدخل مكانه الجديد



منهم لله



بالشكل دا بيكرهونا فى التعليم والمستقبل وفى كل حاجه حلوة



ومنتهى الظلم اللى تشوفه معاملة ولاد الدكاترة



فى ايه خير يعنى؟؟؟



حتى لو كان حد منهم صحابك تبقى مش عارف تكرههم



هم ذنبهم ايه يعنى؟



هى الدنيا اللى اتعكس حالها



يلا الحمدلله على كل شئ



اهو كله بثوابه وربنا اللى بيقوى



يارب عالظالم والمفترى واى حد ييجى عالطلبة ويبهدلهم




آمـــــــــــــــــــــــــــين

44 كومنتاية قليلة تمنع بلاوى كتيرة:

الخيط الرفيع said...

لولو ليييييييييييييي
انا مبسوطة جدا
اني اول واحدة
يا بنتي بطلي دلع
الباطنه هي اللي عكننت عليكي الايام اللي فاتت
والله انتو عالم بتدلع
عاوزة اعلق علي فوفو
انتي تقولي يافوفو كله يجي فيا
ادعي عليكي بإيه

والايجابية بقي
انتي فيها استاذة ربنا يوفقك

يلا يا ماما
علي الاطفال
ما عتش وقت وماما مش موجودة وانا قعدتلك من الشغل وهستنهز الفرص
علي كتابك يا نوراني
علي كتابك يانوراني
علي كتابك بردو يانوراني
وانا راحة علي حلاوة ورومانتيك
أأقعدهم علي الكتاب

شرررررررررررررررررررسة جدا

dew_bright said...

خلثتى الباطنه ... طيب وماله يا أوختى مش عيب خليكى كده انتى اقعدتى اشتمى فى الدكاتره والعنى فيهم لحد ما العنه تنزل عليكى

تشتمى اسيادك يا بت ؟؟؟ اتجننتى دول يدوكى بالجزمه وعلى قفاكى وتقوللى كماااااااااااااان كده تاخدى درجات زياده تنفعك


واضح انك هتبقى دكتورة شاطرة جدا... اخبارك مبشره بالتفاااااااءل المبرح ...ربنا يكرم

الصقر الجارح said...

يااااااااااااه كل ده

المهم مبروك

واهو كله بثوابه

اسكندراني اوي said...

هههههههههههههههههههههههه

كان الله في العون
واضح كده ان داكتره المستقبل حيكونو متفوقين جدااااااااااااااا

ادخلي هنا شوفي زمايلك عاملين ايه

http://lamadaa.blogspot.com/2007/11/blog-post_05.html

تحياتي

WhItE HeArT said...

الف الف مبروووك انك خلصتي الباطنه

بس للأسف دي حقيقه ان الدكاترة اللي بيتخرجوا بيكونوا يعني وسوري جدا لأأي دكتور هيتخرج مبيفهموش اي حاجة وفعلا ده بسبب اللي بيحصل لكم

هههههههههههه

بضحك كل ماافتكرك وانتي متضايقه من ولاد الدكاترة مالهم بأه ولاد الدكاترة يادكتورة في كليتنا الحمد لله بيتعاملوا اوحش معامله وبالعكس بيتشتموا كمان شفتي ولاد الدكاترة عندنا بيحصل فيهم ايه والمشكلة الواحد مش عارف ياخد حقه من اللي بيشتمه

يله حسبي الله فيكي ياهودو

هودو دي هادية عميده الكلية بتاعتنا مدلعانا على الاخر زي فوفو بتاعتكم كده بالظبط

يله ربنا يوفقك وتدخلي على اللي بعد الباطنه

وادعيلي علشان لسه مخلص مذاكرة امتحان بكره وربنا يستر بأه

thinkforever said...

السلام عليكم انا اول مرة ادخل واقرا ليكى موضوع الموضوع طيب وقريب من القلب بس اعتقد ان احنا لازم نكيف نفسنا على قد منقدر وعايز اقول ان مفيش حد بيعمل حاجة غصب عنه بالعكس احنا اللى اختارنا ندخل كليات ومش اى كليات الكليات ذات المجموع العالى وكنا مبسوطين جدا ولازم نخرج منها واخنا مبسوطين برده وشكرا

one true thing said...

هههههههههههه
طبعن كالعاده بتموتني من الضحك
بس حلوه ايجابيه دي بس
بصوت واطي ها؟
ولا ايه
ربنا يعينك يابنتي ويقويكي ع
اللي جاي وتقضي ع الطب كمان
وكمان انتي وحلاوه
بالنسبه بقه للولاد الدكتاره
فالحاج أبوكي هو اللي غلطان
ماهو لو كان ركز وهو صغير في مذاكرته
وسايبه من هذا الذي واخد بالك معاي
كان زمانك دلوقتي محدش
قادر يكلمك
ربنا يصبرك يابنتي

Romantica said...

لا طبعا انا مش عارف الاحساس ده
يعني ايه باطنة ويعني ايه فايزة
انا مين



ده احساس غبي
قاعد في مكان تحت الارض خالى من اي وسيلة تهوية
قاعد على كرسي لا يصلح مع امكانياتي الجسمانية
ويجيبولك حاجة كدة مكتوب فيها بالياباني

وزعيق وقلة .....قلة ايه قلة ادب متنفعش الا كدة
وعارفه اللى بتاخده العزة بالاثم وعمره ميعترف بخطاه
ووريني بقى هتعملي ايه في الورقه
فاضل بس في نص الامتحان يربطونا على العامود ويكهربونا



والسؤال يبقى غلط وامة لا اله الا الله عارفه انه غلط ودي تيجي بكل برود شيئ بديهي انكوا تفهموا اني عايزه اكسيبت

ولا السؤال العظيم بتاع الفارما ده drugs and kidney

ده اللي ربنا قدرك عليه يافايزه




بصي بالنسبه لموضوع ولاد الدكاتره انا مش بتضايق من كدة انا باتضايق من الدكتور اللي عنده ازدواجية في المعايير
انه مع ابن الدكتور مبتسم وسعيد وبيدي درجات نمن غير حساب ومعانا ايده متبرمجه على نص الدرجة
طيب لما انتوا ناويين تكرموا ولاد الدكاتره كدة بتمتحونوهم ليه اصلا ومعادتش يبقى اسمه امتحان شفوي يبقى اسمه يوم درجات ولاد الدكاترة


انا اعصابي بدات تبوظ كل يوم عن التاني وخرجت من الباطنة وانا كاره التعليم واللي بيعلمونا
وكاره الامتحانات

الناس دي بيدوروا على ايه اللي ممكن يعقدنا ويعملوه

يالا ادعى عليهم بايه وهما فيهم كل العبر

بس اكتر دعوة ممكن ادعيها عليهم



ربنا يديهم على قد نيتهم

كرانيش said...

هو البلوج للاطباء فقط

؟

عالعموم انا دخلت تضامنا معاكى

وبقول
امييييييييييين

Anonymous said...

ربـــــــــــنــــــا يعـمــــر بــيــتــك يــا فــوفـــو قصدى يا فايزه


ويخليكى لينا

وتطلعى عنيها اكتر واكترررررر

فعلن كل قوى فى اللى اقوى منه


هى اى نعم افترت عليكو زياده عن اللزوم


بس تستاهلوووووو


دى آخرة دلع اهاليكوو ليكووو

عايشينلى فى المصيف عيشة الملوك

واللى يكلمكو تقولولو احناليفل ون

اهى فيزه خلتكوو ليفل عشرييييين

يا خسارة النسكافيه والكوفى ولا

الكرانشى و الديليتس


وبعدين ايه حكاية الايجابيه دى

انا واثقه لو فووفوو كانت سمعتك وانتى

بتقولى مجرد اسمها كان هيجيلك شيخوخه مبكره



كركركركركر انا بضحك معاكـــــى


فعلن عندك حق فى ناس عندهم متعه انهم

يزللو الناس بس معلش يا نورانى استحملى كلها سنه وتسيبيهالهم

انا ديمن بصبر نفسى بكده لان احنا بردو دكاترتنا السنادى اقصد المعيدين مش الدكاتره الكبار ...مورينا الويل
بيبقى نفسى اقوللهم عيب عليييكو احنا فى اخر سنه كل واحد عنده كميه عقد تكفى الشرق الوسط وبييجى يطلعهم علينا الغريبه ان عمر ما فى دكتور او معيد ضايقنا من يوم ما دخلنا الكليه ديمن الدكاتره لزاز معانا جدن... داغيركو طبعن


المــهــز شدى حيلك فى الاطفال وربنا معاكو وهناك مفيش فيزه اما نشوف بقى هتتحججولنا بايه تانى

امشى بكرامتى بقى اصل شكلى هتطرد

N.B مااااااشى يا بقايا انسان حسابك معايا انا وانتى فهمه ليه

kingmody said...

السلام عليكم في الاول
اخيرا بعد اختفاء دام مش عارف قد ايه
بسبب ظروف كده يعني
المهم
مبروك انك خلصتي الباطنة عقبال الجراحة :)
وتعليقي الوحيد
حسبي الله ونعم الوكيل
وكلام صحيح فعلا
وسلامي للجمييييييييع

MaMaDo said...

هو كله مساله مبدا لانها لو كانت سمعت الكلام من الاول مكنش جوزها طلاقه
بس هو الى حمار مفروض كان يساله الاول انتى بتعرفى تعملى ملوخيه ولا لا
امال هما عملوا فتره الخطوبه ليه مش عشان يسالها على كده ولا عشان يروحو يشربو عصير عند فرعلى

Halawa said...

ههههههههههههههههه

لسه الأطفاااااااااااااال

ياحزين ياقمقم

قاسم السماوي

Halawa said...

ههههههههههههههههه

لسه الأطفاااااااااااااال

ياحزين ياقمقم

قاسم السماوي

sa'7so'7te said...

اولا بجد يا بختكوا يا بتوع طب
لانى كان نفسى ابقى دكتورة من كتر ماتفرجن على مسلسلات زى
"ER" N "GRAY'S ANATOMY"
بس لما لقيتها بحوالى 10 سنين و لما شفت مستشفياتنا هنا قررت ادخل صيدلة
و من ساعتها و انا بحس احساسك ده مع كل محاضرة و سكشن
يلا اللهم اغزيك يا "شوشو" و ربنا ينتعك من امتحاناتك بالسلامة

Shreef said...

يا سلام هي الازمة وصلت لطب كمان يا حرام دا انتوا غلابة مش كفاية الست ولا السبع سنين بتعكوا دا غير اللي عايز يكمل منك بس هي يمكنن فوفو كانت بتهزر معاكوا شويه و بالنسبة لاحساسك اللي انتي قولتيه فوالله يبدو ان طلبة مصر كلهم بيعيشوا نفس التجربة بس احنا ربنا كرمنا و خدنا افراج ز انتوا اللي عليكوا الدور يلا شدوا حيلكوا كدا يا اطباء بلدنا..و ربنا يوفقك في باقي المواد و متكنش زي فوفو بردو..يلا سلام

كائن نورانى said...

فوفو

اهلن يا وسهلن خلصت وفضيتلك انتى وقراراتك المجنونة



دلع ايون فعلن بتدلع

يلا الحمدلله

خلصت مرحلة ودخلنا غيرها بقينا اكبر ناس فيكى يا طب المنصورة

ربنا يقوينا

كائن نورانى said...

الهانم ام ايد طويلة ولسان اطول منها


لسانك طول اوى يا ديو

لمى نفسك واظبطى

انتى مش ناقصة فضايح



نورتينى ووحشتينى اوى يا كلبة

كائن نورانى said...

الصقر الجارح

اهلن بيكى نورتنى اسفة عالتاخير فى الرد بس كنت بمتحن

نورتنى واتمنى تنورنى دايمن

تحياتى

كائن نورانى said...

اهلن باسكندرية واهل اسكندرية

يادى الهوا يادى الهوا

نورتنا يا فندم


شفتها بنوتة فظيعه اوى

لمضه لمضه

كائن نورانى said...

وايت


اهلن وسهلن بالبشمهلوس

نورتنا يا فندم


ولاد الدكاترة احسن ناس منقدرش نغلط


ربنا معاك

كائن نورانى said...

ثينك فو ايفير


اهلن اهلن بيك نورت البلوجة

حاولت ازورك ولكن واضح ان البلوج اختفى


هو انت اتخطفت ولا ايه؟؟

ربنا يستر

كائن نورانى said...

نو ترو ثينج



حبيبى


نورتى يا اجرام


دعواتك بس يا تيته

كائن نورانى said...

رومانتيكا عندنا


يا مرحبا يا مرحبا


مبروك عليك ستة يافندم

ربنا يخرجنا منها على خير ويثبت عقلنا فى دماغنا

هانت كلها مادتين فى الكلية الجربانة دى


شرفتنى زيارتك يا دوك


انجوى يووووووووور هوليداى

كائن نورانى said...

كرانيش

اهلن اهلن بيكى

نورتينى حببتى



شكرن عالزيارة

حياة الأحلام said...

السلام عليكم

ربنا معاكى يارب وتعدى على خير

كل الناس الباطنه عامله ليها عقده
انا ليه واحده صحبتى معلقه فى كل اوضها يافطات ان شاء الله هذاكر باطنه وانجح ..ملت الاوض من كتر ما هى متعقده والحمد لله عدتها على خير

عقبالك ما تتخرج والمهم تعملى باللى تتعلميه

انتى قولتى مأساه التعليم فى مصر احنا بنتعلم لمجرد نكون شهاده انما تجى فى الاخر تشوفى طلعتى بأيه من التعليم ده تلاقى ولا حاجه مجرد ممارسين لاعمالنا

هى منظومه بايظه من أولها عايزه تتضبط من أول الحضانه

يلا على رأى الخيط الرفيع بطلى دلع عايزيك مذاكره يا جميله

وآسفه اوى على تأخيرى فى الزياره

كائن نورانى said...

بوتانيستو


فى تانى ظهور لها فى عالم البلوجات

يادى الللايت

الكلام الللى اتقال دا كله حسابه تقيل اوى

وكله هيطلع عليك فى امتحاناتك يا جميييييييل


اوك

من هنا ورايح المعاملة هتبقى بلااااااك


نورتينا

كائن نورانى said...

اهلن وسهلن بجناب الكنج


منورنا يا دووووووووك


اخبارك واخبار نونة ايه ؟


سلم عليها كتير

وشكرا على زيارتك

شد حيلك المشوار طويل


خمسة دى كارثة لوحدها

كائن نورانى said...

كلامك كلوووو مظبوط

امال ايه ؟


محدش يقدر يقول خمس كلمة

اطال الله بقاء سعادتك يا ولد

عوزين نشوفك

سلم عالعيال

كائن نورانى said...

حلاوة

انا اللى حزين وقمقم

اشهدو يا ناس

يا موفترى

ربنا ..........

ولا بلاش احسن مامة قلب امه تزعل وتقوللى ماشى يا زينب


يارب تكون تمام

كائن نورانى said...

سخسوختى


اهلن اهلن يا مليون مرحبا بيكى

وبكل بتوع صيدلة


لا يا بنتى طب ملهاش اى علاقة ب اى ار خالص


حسبى الله ونعم الوكيل


مبروك على ظهوركم فى الدستور

نورتينى

كائن نورانى said...

شريف صديقى الظريف

عامل ايه يا فندم

اهلن وسهلن بيك ومبروووووووووكعلى الاعفاء

عقبال اما ابارك عالشغل يااااارب

كائن نورانى said...

نورتينى حياة الاحلام

لا اسف على تاخير

البوج زى بلوجك طبعن

ياريت تنورينى على طول

di el2mr said...

انا عارفه فعلا الاحساس دة
ومقدراه جدااااااااااااااااااااا
مع انى لا فى طب ولا فى صيدله
بس فى هندسه
وكمان اصعب قسم فى الكليه :(



ربنا يتوب علينا من الكليات اللى بقى مالهاش اى لازمه الا تحويل الحياه من الابيض للاسود
توب علينا بقى ياااااااااااااااارب


على فكرة دى اول مرة ادخل البلوج
بس لذيذ قوى

Camellia Hussein said...

ههههههههههههههههههههههه كفارة يا ستي
وكل سنةوانتي طيبة

قضية عم أحمد Ahmed Case said...

ههههههههههههه

بجد ايه البوست السكر ده ..

بجد بوست دمة عسل مع ان موضوع الشربات والجزم ده ريحته مش قوي ..

المهم
كل سنة وانت طيبة اوي ومبسوطة اوي

DR.HAMAS said...

ههههههههههههه

كويس برضه

ربنا يعينك على الباقى

انا لسة ف رابعة

يادوب حبة رمد على انف واذن على صحة عامة على شرعى على سموم

يعنى

ربنا يستر لما نوصل لكم

أنتم السابقون

و نحن ان شاء الله بكم لاحقون

بس يا رب على خير

بصراحة طمنتينى

ربنا يستر



ههههههههه


د.حمـــــــاس

Unknown said...

السماح يا اسياد
سمحوها متعرفش
يابنتى اعقلى لحد ما تخلصى سنه 6 بس وبعد كده اعملى زى حلاتى
كله على عينك يا تاجر لى صفحات المدونه
ههههه
الله يكرمك يا اسكندرانى
بعتلك اللينك بتاعى كمان
يادى الكسوف

قضية عم أحمد Ahmed Case said...

ايه ده هو انت عمرك شفتي حد قاعد في مكان غصبن عنه ولى بياكل اكل مش بيحبة ولى بيقودة واحد مش منتخبة ولى حتى بلدة بتعمل كل حاجه بنوافقه شعبة

ايه ده انتي بالتأكيد بتحلمي

ده حتى اسمائنا احنا اللى اخترناها ...

عجبى

Anonymous said...

لولولولولى
اخيراااااااا انضميت لعالم البلوجات انا ياسمين على فكرة :)
وحشااااااانى يازوزة بجد انتى وبوتانيستو والخيط الرفيع
ان شاء الله اشوفكم على خير
بالنسبه لكلامك عن فوفو فالظاهر كده ان فى مثيلاتها فى كل الكليات
وخاصة كليتنا الكشك
مشوفتش اروع ولا اعظم من دكاترتها بصراحه تلاقى الدكتور
بيشرح حاجه واحنا بنزاكر كلام تانى خاالص
وبنمتحن فى كلاام تالت خالص
تسالينى بيجيبوا الحاجات دى منين معرفش بصراحه
لا واللى يفقع الاقى دكتور منهم يوم الامتحان والله محد كتب كلمة والاقيه جاى جمبى
وبيحسبن علينا ويقول حسبى الله ونعم الوكيل فى اللى يجيب اقل من امتياز
كنت هموت والله
ربنا يستر علينا ويطلعنا من الجامعه كلها على خير يارب
سى يو ياجميل
ان مااى بلوج

الأستاذ said...

يااااااه ربنا يكرمك يارب
وبعدين ربنا معاكي والله في المواضيع دي وإن شاء الله نشوفك دكتورة أد الكلية قصدي أد الدنيا وتعقدي الطلبة في المواد زي م إنتي اتعقدي كدة لأن ده النظام في التعليم دلوقتي
تحياتي

break said...

مبروووووووووك
عقبال لما تخلصى الحاجات اللى بعد كدة
ماهو اكيد ماخلصتيش
هما بتوع طب دول بيخلصوا ابدا
بيفضلوا طول حياتهم بيذاكروا

ربنا معاكى

كائن نورانى said...

منورة يا ضى القمر








الف شكر لزيارتك

كائن نورانى said...

اهلن بيكى كاميليا نورتينى