اشتقت ليك اوى يا رسول الله واشتقت لحضنك اللى هترمى فيه وابكى بكاء كتير
بكا على ايه ولا ايه؟
بكا على الحال اللى احنا فيه؟
بكا على الحق الى ضايع بيننا
بكا على غربة الواحد عايشها
بكا على احساس بشوق ممزوج بعجز
بكا على احلام كتير كل يوم بتموت
بكا على احساس بفقدك فى حياتنا
وجودك بيننا اكيد كان هيعطينا شعور بالامان
شعور بالحنان...شعور بالراحه
كنت هتهون علينا كتير من مصايب الدنيا
مهما حصل لينا نيجى نترمى فى حضنك ونحكى لك
تخفف عننا وتداوى همومنا وتطبطب علينا بحنية
حنية الاب والجد والحبيب
وقتها كانت هتهون علينا حجات كتير اوى
كنت هحكى لك على ظلم شفته بعينى اكتر من مرة
ظلم انسان لانسان زيه
هحكى لك على مرار دقته فى غياب اغلى واهم ناس فى حياتى
وحشونى اوى
يارب قرب البعيد ورجع أيامى أنا ليّا
ياترى احنا هنستاهل الحضن والحنية دى ؟
ولا مش احنا
احنا اللى هنعزمك ونحكى لك
ولا مش احنا
مش احنا اللى هنفرح قلبك
خوف رهيب بيهزنى من جوا؟؟
احنا ولا مش احنا؟؟
سامحنى انا عرفا ان شوية كويسة وشوية وحشة
بس الدنيا قاسية وحادة وكتير بنشوفها غامقه
مش ذنبنا!!!!!!
الامل فى ربنا كبير اوى بس يارب احنا تعبانين اوى
هون علينا أيامنا
فرج عننا اللى احنا فيه
ونور حياتنا بنور حبايب قلوبنا
واجمع بيننا وبينهم قريب اوى
يمكن دموعنا بقت عاجزة عن التعبير
يمكن من كتر اللى فينا معدناش قادرين نعمل حاجه
بنحاول ننسى ونعيش....
انا واثقة جدا ان فرجك قريب اوى يارب
ومازلت اذوب شوقا لك يا حبيبى
يارسول الله
الهم اقرأه منّا السلام واخبره اننا نحبه
17 كومنتاية قليلة تمنع بلاوى كتيرة:
زوزة
اتذكر كلمة عمر بن الخطاب عندما حكي عن تعاملة مع المصائب
منها انه كان يتذكر مر مصابة في النبي فكانت تهون علية المصائب
بجد انا بحس اني مفتقدة النبي كأني كنت متعودة علي وجودة وأختفي فجأة
كتير بتلوحني نسبية الحياة ما بين كل حاجة وحاجة في معايير كتير
و لما فعلا ما لقيش حد ثقة يعرف يفهمني ويديني نصيحة لان الكل يعرف يدي نصايح تمام لكن المهم ان يعرف اية أنسب ليك ودا كان النبي
فعلا أشتقنا لك يا حبيبنا وحبيب الله
بس الحتة اللي تقتل في البوست
هل احنا نستاهل نشوف اللي احنا عيشين بنستناه من حضن النبي عند الحوض وعزومات الخلفاء وامهات المؤمنين مع النبي ونقعد احنا وحلاوة ونوراني و بوتانيستو وأهلينا الكبار والصغار وأصحابي والصناع................إلخ
أموت في الاختصار
نهايته علي رأي أبونا
يا خوفي يا بدران
حد يعرف مين بدران دا؟؟؟؟؟؟؟؟؟؟؟
ونعم بالله
وأوري في المنام الفرقتان
ملائكة أتوا من الرحمن
وقيل أن اضربوا مثلا لصاحبكم
فنائم العين قلبه يقظان
فقالوا كأنما أتى رجل بمأدبة
وأرسل داع من بني الانسان
فمن لبى النداء فقد طعم
ومن يأب ذلكم خسران
محمد بن عبدالله ذاك الداع
يبشرنا بجنة الرضوان
قيل ومن يأب يا رسول الله قال من أطاعني دخل الجنة ومن عصاني فقد أبى ...اصبروا وصابروا ورابطوا
تحياتي
أولا اسمحيلى أقولك انك من البلوجات القليله قوى الى قلبى اتفتحلها ايوه كده شويه تفاؤل ربنا يخليكى
ثانياً
واشتقت لحضنك اللى هترمى فيه وابكى
الجمله ده خضيتنى أصلى عمرى ما فكرت انى ممكن أعمل كده أخرى كنت باحاول أحس بايده الكريمه وهى بتطبطب علىّ انتى طماعه قوى:))
بجد جزاكى الله عنى خيرا بوستك جميل للغايه وأثر فىّ جدا
تحياتى:))
الله كنت دايما بحلم بكدا كنت بحلم اني ازور سيدنا محمد في قبره في المسجد النبوي و اقعد احكيله و ان متأكد انه سامعني اقعد اتكلم معاه في كل حاجة كل اللي بيحصلنا و كل بيتعمل فينا و كل اللي بنواجه في الدنيا ديه..الا انك اصغتي كل اللي انا عايز اقوله في كلامك الجميل ده..المدونه عجبتني جدا بسبب رقتها و بساطتها و رقة كلام صاحبتها..دي اول زيارة ليا لكن اوعدك اني هكون زائر دائم..سلام
صلى الله عليه وسلم .
ربنا يجمعنا بيك مع النيى صلى الله عليه وسلم .
بس عارف انا حاسس اني مش محتاج حضن من النبى دلوقتي انا حاسس اني محتاج اعمل حاجه لما هو يشوفني يحب يحصني اني عملتها ....
ساعتها هحس ان للحصن معني تاني .
بوست جميل ربنا يكرمك ي باشا
بخاف اكمنت هنا
علشان سمعت انى مره كمنت عندكم فاتخبطت من الكومنت
مع انه كان ماشى على سرعه 20 كيلو بس
بص يا عمنا
حطه هدف قدام عينيك
ودوووووووووووس
على رأى ابيه
هتوصل و هيبقى دليل حلو اوى لحياتك
كل حاجه تحصل و تخبطك فى النص
بص عليها انها سفيسفه ( حاجه صغيره يعنى ) علشان الهدف كبير
انتاو فاكرينها سايبه
نورتينى يا خيط
كلامك حلو اوى
فكرتينى بايام جميلة اوى ربنا يعيدها
ربنا يجيبه بالسلامة وينور بيتنا المضلم تانى
حلاوة باشا
وبئس المصير
كماقال ون ترو ثينج رضى الله عنه
سكايار
جميل اوى الشعر
مع انى فين وفين على ماظبطت قراءته
يارب منكنش من الخسرانين يارب
ويفرح قلبه بينا
اهلن ب واحده من البيبول
نورتى بلوجتى وكل البلوجات اللى عندى
ربنا يخليكى
بعدين يا استاذة الطمع فى الحجات دى مهم جدن
ربنا ينولنا كل اللى بنتناه
نورتينا واعتبرتك خلاص صديقه البرنامج
اقصد البلوج
تحياتى
شريف
انا افكر اذن انا مجنون
فى زماننا دا فعلن
نورتنى بجد ياشريف
وشكرا على كومنتك الرقيق
اطمع بقى شوية وخليها عزومة وحكايات معاه
مش بس زيارة
ولو اننا والله نفسنا فى الزيارة ومش طيلينها
ربنا يوعدنا بيها قريب جدن يارب
تحياتى
احمد رفعت
اهلن بسعادتك عندى يافندم
كلامك صح الصح
مدونتك جميلة اوى وعجبنى جدا موضوع ريهام اختك يفطس من الضحك
نورتنى وشكر لمرورك
ونتمنى تكون زائر دايم للبلوج
عاشق بيه
اهلن وسهلن
خلى بالك ممكن تتخبط تانى اصل السرعه زادت اوى
ها
واخد بالك
بنحط حجات كتير بس الاكتر اننا بنتلخبط
دعوات سعادتك
نورتنا بعد ما علمتنا الشحاته
سلاموتو
besefaty khabera aadr aol enk ma3ola fe el ketaba matakhdesh fe nafsek el alam el keber dah hahahahahahahahahahahahah salamotto
أنا اخيرا هرد
بعد ماكنت اول واحده هرد ع البوست ده بقت اخر واحده
الله يسامحها الكيبورد بتاعتكوا
المهم يمكن بجد معنديش غير دموع منهمره
من حرقة اشتياق للأغلى انسان عندي
معنديش غير توسل وألم لعدم وجوده معنا دلوقتي
يمكن في نفس ذات الوقت اللي بكتب فيه الكومنت اكون اكتر واحده بجدمحتجله جدن
اكتر من اي وقت فات
يمكن دعوتي ان اروح أزور قبره واعيطله واحيكله عن كل حاجه من خلال عمره حاجه مستحيله بس املي في الوكيل فوق اي صعوبات بجد
يمكن عندي حسرة وكسره وعيناي في الأرض من عهد حاسه اني مش قده
فاكره يانوراني عهدنا معه في دار الأيتام ياترى احنا كنا قده وياترى بالنهايه دي طلعنا مخلصين بجد
منك لله ياشيخه روحي فتحت باب كنت خلاص مصدقت اقفله
واحشني اووووووووووووي بجد ويارب يجمعنا بيه
انا مش من عادتى انى ارد على بوستات لكن قدام البوست ده مش عارفة اسكت لانى بجد اتهزيت قوى من جوة مش هكذب عليكى انا جت لى فترة نسيت كل اللى كنا اتفقنا عليه واصبحت مؤدية ادوار تقليديه فى مسرحية الحياه وظلل الضباب على الهدف الاسمى من الحياه واحلامى التى طالما حلمتها معك او بين نفسى ولحظة قرائتى للبوست اتهزيت جامد لانى حسيت قد اييييييييييييه انا مقصره فى حق نفسى وفى حق حبيبى اولا انى ازاى عدى عليا الوقت ده كله وماجاش فى بالى ولا حلمت بيه فى احلام اليقظة
عرفتى ليه انا بقولك ربنا يخليكى ليا علشان انتى اللى بتشدينى لكده ونفسى افضل مشدودة كده على طول ارجوكى ماتحاوليش تفلتى زمامى من ايدك
Post a Comment