انه فى مثل هذا اليوم
1572007
أصبح عندى الان 22 عاما
كبرت أوى
أنا بجد زعلانة
زعلانة على أيام ضيعتهافى حجات ملهاش لازمة..كتير بيفوت مننا حجات كتير
لكن فى وقت قصير ممكن ننجز حجات كتير معملنهاش طول عمرنا
اكيد سنين عمرى اللى عدت عملت فيها حجات كتير مفيدة حلوة
لكن الاكيد اكتر انى ضيعت حجات كتير منى بس مهم انى اكون عرفت ايه اللى ضيعته
وبحاسب نفسى لان دا ا طريق الصح
دقت نجاحات الحمدلله كتير
خضت تجارب كتير
واكتسبت خبرات كتير
صاحبت ناس كتير احتكيت بناس كتيروشفت انواع مختلفة
حاولت اتعلم منهم
اخدت ناس منهم قدوة واتعلمت من اخطاء ناس
اثر فى حياتى ناس ورفعت كل قبعات الاحترام والتقدير والامتنان للكثير
وكمان خذلنى ناس كتير
فاتعلمت من كدا ان الدنيا يوم ليك ويوم عليك حتى لو مش متقبلة دا ولكن بحاول افهمه لنفسى عشان اقتنع ومتعبش
مرت عليا أيام مكنتش اتمنى انها تمر ومرت أيام كنت اتمنى انها تطول اكتر واكتر
هزرت كتير ضحكت كتير ولعبت كتير
وبكيت كمان كتيــــــــــــــــــــــــــر
بكيت على احلام كتير محققتهاش ..بكيت على فقد أشياء
بكيت على جفاء صديق..بكيت عندما فقدت ثقة
بكيت خوفا من ربى وشوقا لرسولى
بكيت من فرحتى واحساسى مرة برضاهم عليا
اللحظات دى كانت تطيل عمرى الضعف
وبكيت لما حسيت باستبدال ..وحرمان من طاعة
بكيت لما حستنى صغيرة أدام نفسى
بكيت اما مرة زعلت أمى أو سمعت كلمة منها تضايقنى
انها مرت فى البكاء لما اتجرحت بكلمة من أبى حتى لو كانت دون قصده ولمصلحتى
لا اعرف لماذا؟؟هل هذا هو الطبيعى أم انى حساسة جدا؟؟
بكيت عندما انتظرت ما لم يأتى..وعندما تعشمت فخُذلت
بكيت لما ضيعت وقت كتير مع شخص أو شئ لا يستحق
بكيت لما اكتشفت حجات فيا متأخر
ولكن مع كل دمعه كان هناك تفكير عميق
وتعلمت انهتمر بك الضحكة فتملأ وجهك نور ..وتمر بك الدمعه فتغمرك فى اعماق الاحزان
اتعلمت ايضا
ان العلاقات الانسانية من اهم الاشياء فى الحياة بداية بعلاقتك بربك الى علاقتك باقل شخص عمرا او قيمة فى حياتك
اتعلمت كمان ان هناك مرحلة بعد الدموع قاسية جدا وقتها بتكون شخص مشلول نفسيا..
مش قادرتستحمل اى شئ مفرح او حتى ستريس
يعنى مرحلة بتوصل فيها لاخرك والمرحلة دى بتاثر فى كل حتة فى جسمك مش بس قلبك
والخروج منها بيكون باللجوء لله لانه اكتر دراية بينا من نفسنا
اتعلمت ان اكون مخلصة بس اخد بالى من يستحق هذا الاخلاص
اتعلمت انى دايما اسيب ولو خط رفيع بينى وبين اى شخص لانى مفيش اى حاجه بتحصل صدفة واكيد ربنا قاصد
يوصلنى رسالة من خلال معرفتى بالشخص دا
اتعلمت كمان انى مفيش اى شئ فى الحياة على اطلاقه وكل شئ نسبى وبنحكم على الاشياء من خلال وجهة نظرنا
ومقايسنا الخاصة ورؤيتنا اللى بالضرورى تختلف عن الاخرين
اتعلمت احدد اولوياتى واعمل بيها مش بس لمجرد التحديد
اتعلمت ان فى حجات بتتحس استحالة تتقال
اتعلمت انى فى حجات مش بحس اوى بقيمتها غير لما افقدها
اتعلمت انى احاول اتحكم فى قلبى لانه اذا اتحكم فيا ...انا الشخص الوحيد اللى هيكون خسران
اتعلمت ان خير الامور الوسط وما زاد عن الحد فعلن يتقلب للضد
فهمت حجات كتير كنت بحاول مفكرش فيها
فهمت معنى الابتلاء ......الاصطفاء...الاعتناء سواء الهى او شخصى
عرفت ازاى افهم الاحساس صح واتعامل معاه صح
اشتغلت فى تيم وحسيت ازاى بيكون فى ناس قلبهم على بعض نيتهم واحده وهدفهم واحد
وكلهم فى مركب واحد
حبيتهم كتيرو اتعلمت منهم كتير
لحظاتى معاهم لا تنسى
حسيت ازاى اكون فرد مؤثر فى عيلتى واهمية لمة العيلة والاخوات حولين بعض
الاحاسيس دى علتنى اوى
الحمدلله
اللى اتمناه السنة اللى جايه ان ازداد خبرة
اخد بالى من نفسى اكتر مش بأنانية ولكن باهتمام لانى اهم شخص بالنسبة لنفسى
اتمنى ان ربنا يكون راضى عنى دايما واحس باللى حواليا ويحسوا بيا اكتر
ويارب تحقق كل اللى بتمناه
يمكن دا ميلاد مختلف حساه لمسنى اوى واثرفيا كتير لدرجة انى نفسى اوقف عمرى
لانه قصير ومحتاجه لسا اعمل كتير
ربنا معايا ويخلينى ليا ويهدينى
ويبارك لى فى كل اللى حواليا
ويسمعنى دايما اخبار حلوة عن كل احبابى الموجودين والغايبين
ويطمن قلوبنا وينورها بنوره
يلا كل سنة وانت قمر العيلة يا نورانى وعقبال العمر اللى ربنا مقدره ليكى لأن دا الخير
بس تكونى دايما راضية عن نفسك وربك راضى عليكى
42 كومنتاية قليلة تمنع بلاوى كتيرة:
هييييييييييييييييييييييه
أنا أول واحدة
كبرتي يا زوزو وبقي عندك 22 سنه عقبال ما يبقوا 25 سنه يارب
عقبال لما أشوفك مع الاهبل ابن الاهبل اللي مامته دعيه عليه
الله يكون في عونه ويقويه ويصبره علي ما بلاه
عموما كل سنه وانت زي ماانتي مفيش تقدم خالص علي طول
عُدت يا يوم مولدي ... عُدت يا أيها الشقي
الصبا ضاع من يدي .. و غزا الشيب مفرقي
ليت يا يوم مولدي .. كنتَ يوما بلا غد
ليت أني من الأزل .. لم أعش هذه الحياة
عشتُ فيها و لم أزل .. جاهلا أنها حياة
ليت أني من الأزل .. كنت روحا و لم أزل
أنا عمر بلا شباب .. و حياة بلا ربيع
أشتري الحب بالعذاب .. أشتري فمن يبيع؟
أنا وهم .. أنا سراب
اغنية لفريد الاطرش
كل سنه وانتي خيرها ياقمري وشويه تفائل من الابيض لحسن هتغني كمان سنتين تلاته الاغنية اللي فوق
اسفين لو مفيش حفله اسرية علي الضيق في الليلة دي بس انتي عرفة مينفعش من غيرة
فكرة كنا عملين عيد ميلاده قبل ما ينخطف باسبوعين
نهايته
ديري بالك علي حالك واوعدك بحفله ست ستها لما يرجع بالسلامة
بجد براحة عليكي شويه وحاولي تعيشي ليكي شويه ومعلش لو كانت الحياة ادتك قلم جديد امبارح حاولي تتفهمي النفوس
بصدق منورة حياتنا كلنا يا نورانيه القلب والعقل والاحساس
لوووووووووز
لوووووووووووز
للللللللللللللوووز
قمر عيلة ايه يا بو قمر
مايحكمشي؟!!!!!!!
كل سنة وانتي طيبة بجد
مش بحب أقول عقبال ميت سنة
لأني مبقيسهاش بالكيللللو
يارب المحصلة تكون ايجابية
وتترات النهاية تكون مرضية
لربنا اولا
بعده نفسك ثم نفسك ثم نفسك
أشوفك بخير دايما
انا مش عارفة اقولك ايه .. بجد كنت سعيدة قوى الليلة اللى فاتت وانا معاكى ولو تاخدى بالك يمكن ربنا كان ماجل كل اتفاقتنا فى انى اجيلك لحد اليوم اللى احتفل فيه لاول مرة من يوم ماعرفنا بعض بعيد ميلادك وفى اول دقيقة تخطى بيها سنتك الجديدة
انا بجد مش قادرة اوصفلك قد ايه انا كنت فرحانةقوى قوى قوى باليوم ده لانى مش كنت حساه عيد ميلادك انتى بس لاء انا كنت حساه عيد ميلادى انا كمان او احنا الاتنين مع بعض زى ماتكون علاقتنا بتتولد من جديدوقد ايه حزنت قوى قوى قوى لما قريت البوست فى جزء معين مش عارفة ليه كنت حاسة انك قصدتينى بيه ويمكن مش قصدك بس انا حسيت نفسى فيه.راجعيها تانى وحاولى تخمنى انا قصدى على اى جزء
وعموما كل سنه وانتى طيبه وبخير وربنا يخليكى ليا يارب ويخلينا كده على طول مع بعض لحد بعد ما كل واحدة تبقى حتى فى بيتها لانك بجد اعز صديقى ليا واتمنى انى افضل كده بالنسبه لك
عيد ميلاد الليله مين
عيد ميلاد زوزييتا
هنفرح ست الحلوين
ونشيلها في عيونا
كل سنه وانتي طيبه
كل سنه وانتي من ربك قريبه
كل سنه وانتي نبض جوه قلوبنا
وبسمه صافيه فوق شفايفينا
وضي امل مالي عيونا
وهمسه صيف بتداوي جروحنا
ايه يابنتي مالك قلبتي على بتوع الحياه علمتني
وحاستني انهم 05سنه انت لسه صغير ياكميل
الحمد الله على كل شي في ناس عاشت وماتت
ومتعلمتش نص اللي انتي قولتي
كل سنه وانتي في وسطينا منوره يانوراني
انا مليش دعوه
انا عايز من ده
انا متعمليش كده ليه
انا زعلان
واااااااااااااااء
وبعدين حد يبقى من مواليد نص الشهر
طيب ده حتى المرتبات تبقى اوشكت على النفاذ
ههههههههههههه
بصى بقى يا دكتورتنا
انا قريت البوست اول ما نزل بس بجد يتشل الكلام اننا نبقى قادرين نوصل للكلام اللى انتى قلتيه و اعرف اعترف بالكويس و الوحش اللى حصلى الفتره اللى فاتت قدام نفسى دى حاجه فوق الفظيع
و طالما وصلنا للنقطه دى بشوف ان اللى بعد كده انى اخليها نقطه انطلاق جديده
خلاص انتى كده زودتى بنزين من بتاع 120 بتاع ولاد الناس النضيفه و العربيات ال بى ام
انا لو مكانك وقربت اقع ممكن علشان اقوم نفسى اقل حاجه اعملها افتكر الناس اللى حواليا اللى بيحبونى بجد
اقل حاجه هتبسط الناس دى انى اشوف و اركز فى مذاكرتى علشان اجيب نتيجه زى الفل مش كويسه بس اكيد هتبسطهم و هتبسطنى من قبلهم و هتبقى معايا دفعه جديده لو لقيتى ان النتيجه مش هتفرق مع حد انا اول واحد اقولك اقعدى ف البيت وبلاها مذاكرة
معلش هيه قلبت دراما فى الآخر كده ليه
تعملى ايه بقى عيل محش ولا تعامل الناس الوحشين بمعاملتهم
حاجه اخيره لسه قايلها للواد حلاوه قريب
ان الواحد يعمل اللى عليه ويبقى راضى عن نفسه و فعلا حاسس انه يبذل ما ف وسعه و النتيجه دى بتاعت ربنا كيفما شاء وقتما شاء اينما شاء
كل سنه وانتى طيبه
لسه وقت كبير للضحكه الصافيه
كل سنة وانتي اقرب لربنا يا نينا الحاجة ... يا عجوزة بقى عندك 22 سنة
بدل صورة الطفل الصغير ده كنتي حطي الست بتاعة الورد والمناديل اللي فـ جوانا
ههههههههههه
ولا هاتي واحد ماشي على عصاية وشعره أبيض
وبعدين ايه البوست الطويل ده؟؟؟
بس لذيذ أوي الشعور بإنك مسئولة أادم ربنا عن العمر ده بيعدي فـ إيه
ربنا يباركلك في عمرك ويسدد خطاكي لكل خير
وادخلي ذاكري بقى وراكم امتحانات
سلامو عليكي
كالعادة باجي في الاتز تو ليت متاخر يومين بس اعمل ايه حكم الشرعي بقي مانتي عارفة
كل سنة وانتي سعيدة وبالك مرتاح وبالف صحة وسلامة وتكوني منورانا كده
بس هختلف معاكي في انك متزعليش علي اي حاجة عملتيها مكنتيش عاوزاها في الاتنين وعشرين سنة دول او علي وقت معين ضاع كان نفسك يبقي احلي لان احساسك بكده كافي انه يفرحك لانك هيعني انك اتعلمتي من الفترة دي ونضجتي ربنا يبارك فيكي يارب بس تعالي هنا انتي طلعتي أكبر مني يادي الفضيحة أودي نفسي فين دلوقت عموما تحياتي ياأبلة كائن نوراني الاحترام واجب برضه والمقامات محفوظة
كل سنه وانت طيبه
أنت فعلأ حد عاقل وقلبه حلو!!!
كل سنة و انت طيبة و عقبال لما تكبري اكتر و تزدادي خبرة اكتر و تتحفينا ببوست زي ده اول مرة اشوف بوست بيلخص الحاجات اللي بتحصل للانسان في حياته بجد انتي قولتي كل اللي لازم نتعلمه على مر حياتنا كلها..في اتنين و عشرين سنة شوفتي ده كله و في ناس بتعيش عمرها كله و لا تدرك ولا حتى جزء بسيط من الاحداث ديه...مفيش لحظة ولا موقف ولا حدث ممكن يمر على الانسان اللي ميتعلم منها حاجة..تحياتي ليكي..سلام
ياااه كل سنة و أنتى طيبة يا زوزى
والله كان نفسى أقولك اول واحد بس
والله كنت ناسى معلش حقك عليا يا ستى
بقى ماشى خلاص صافى يالبن
حليب ..حليب...حليب أكيد بس أنتى
كبيره كده ليه ده أنا دلوقتى حسيت
فعلاً يلا كل بوست و سنة و أنتى طيبه
يلا سلام
اممممممممم على اساس ان انا بفكر لسه
انتي عارف انا بالظبط وصلت لنص البوست وقلت في بالي خلاص ياماما انتي هتحكيلنا قصة حياتك عموما مش مشكلة قصة قصة بس فيها عبر وبعض المعاني الخفيه
عموما ألف ألف مبروك على الرقم الجديد 22
لو كنتي جيتي عندنا الكلية كنتي اخترتي الرقم اللي انتي عوزاه وانا كنت عملتلك ديسكاونت من عند العميده بتاعتنا " تصوري العميد عندنا واحده ست اهي اهي هزلت " عموما مش مشكلة السنة الجايه تعالي وانا اعمل لك الدييكاونت عندنا لحد 90% يابلاش
عموما كل سنة وانتي طيبه
همبكاوى هانم
مبروكن مبروكن على النتيجة ربنا يفرحنا بيكى ديمن يارب
اما بقى بالنسبة للكلام كفاية اللى عملته فيكى لايف
ال اهبل ال
فتلة هانم
ربنا يسامح سعادتك على الكلام بتاع فريد زفت دا
جبلى صرع
يلا كل سنة وانتى بخير وربنا يريحنا منك بقى
اصدى يعنى يفرحنا
اوعى تفهمينى صح؟؟؟
ربنا يجيبه لينا بالسلامة
طبعن للللللللللوز وطول عمر كلامى لوز يا فسدق
ايوة قمر العيلة غصب عن عين الرفيع ها؟؟
الى حد كبير مرضية يا فندم
بس نعيش ونتعلم
كل سنة وانت بخير
مرمرتى
منورة البوج كله يا دوك
ربنا يخليكى انا طبعن كنت اسعد منك ربنا يخليكى ليا
وما انحرم منك ابدا يا اوذعه
لا متخفيش مكنتش اقصدك فى حاجه ولو انك عوزا الضرب حبة
نورتينى
عيد ميلاد الليلة مين عيد ميلاد؟؟ انتى عارفه بقى
ربنا يخليكى ليا يا نضيف يا حساس
انتى فعلن حد مهم جدن
كفاية يا شيخة حتى غبائك
سورى اقصد مفهوميتك
عثل يا يمنتى عثل
تسلميلى
عاشق
اهلن وسهلن ومرحبن بكم فى برنامج متراهن يا ولدى متراهن وهاكسب الرهان
مواليد نص الشهر دول يا ابنى احسن ناس
ربنا يخليك ويكرمك يارب يا احمد على كلامك الجامد
بجد انت مكسبنا من صناع
دعواتك والله بدات بحاول انقنق
ربنا يهدينى بس
كل سنة وانت بخير وسعادة
ويارب تشتغل بقى
الطاغية سكايار
سحبو منك لقب اول كومنت ولا ايه؟
لا تدريبات اكتر
البطولة قربت
كل سنة وانت بخير وهنا
ربنا يكرمك على دعاءك الجميل ويتقبل ان شاء الله
ديمن منورنى
اهلن بيك يا مستكنيص
يارب تكون استكنيصت فى الامتحانات
انا عرفت انك دخلت 2 واجلت2
انا برفض موضوع التاجيل دا بس انت اكيد عارف ايه الصح؟
ربنا يكرمك
ويارب تكون عديت بخير فى اللى دخلتهم
كلامك الى حد ما صح
بس اهو ادينا بنتعلم
ايون طبعن الاحترام واجب جدا بس بلاش
ابلة دى اصلى بكرهها اوى
سابرينا
اهلن بيكى
منورانى جدن والله
تسلمى على كلامك الحلو
شكرن لمرورك الرقيق
شريف
اهلن بيك لتانى مرة على التوازى
منور البلوجة جدن
شكرا على كلامك يا فندم دا بس من ذوق سعادتك
وانت طيب وبالف خير يارب
ويارب تكون عرفت هتعمل ايه بعد ما خلصت دراسة
ربنا يوفقك للخير
تحياتى
صاصا حبيبى
منور يا واد يا وحش
وانت طيب وبالف خير يارب
ويارب تفتح بلوجتك بقى يا بوووووووووووه
الف مبروك لحماده
وعقبالك يارب يا صاصا
وايت
ازيك اولن وحمدلله على سلامتك
ربنا يتقبل منك العمرة
بالنسبة بقى للكلام اللى انت كاتبه
مش عارفه ارد اقلك ايه؟
نو كومنت
شكرا على مرورك
وموضوع العميدة دى
يا ابنى فى ستات احسن من ميت الف رجل
بطلو فزلكة كلاكيعو
سلاموتو
كل سنه و انتي طيبه....
انتي في طب...22 سنه :)..
مممم...وعي تكوني معايا في الدفعه :)
بس بجد مدونتك حلوه :)
كل سنه و انتي طيبه :) و عقبال 3 مليون سنه :)
يتوقف القول على قول القال المتاثر بقول من قال انها قاله بقوله حينما قال قولا ظريع القولا
فقال
كل سنه و انتى طيب يا عم الحج
بوم تششششششششششششش
كل سنه وانتى طيبه
الى جاى أحلى ان شاء الله:)
MT COMMENT IS
NO COMMENT
زوزيتا .....بقولك إيه إصطبحى متنسيش نفسك يا ماما
و إعرفى إنتى بتكلمى مين
عموما أنا هسامحك المرة دى عشان خاطر رافايللو يعنى عيل و غلط بس اهوه
ههههههههههههههههههههه
ارتعاشات
اهلن بحضرتك يا فندم
ايون 22 سنة وفى طب للاسف
دفعتك بقى ولا نو
اى دونت نو
نورتنا وكل سنة وانت بخير
ماما ...دو
مش عارفه انت عاوز مامتك تعمل ايه؟
ايه كمة حرف القاف اللى فى الكومنت دى يا ابنى
هو حد قال لك انى بكرهه وقلت تغظنى
لا لا لا دى مش اخلاقك يا ماما ..دو
نورتنى
ومرسى كتيرون كتيرون على الهدية
اللذيذة يا واد يا رقيق
واحدة من البيبول
وانتى طيبة يا قمر
نورتينى
اكيد اللى جاى احلى بس هو امتى؟
اهلن يا بروبا جنداوى
فينك ؟
هو كومنتك نو كومنت ليه خير؟
ولا من جمال البوست يعنى
والله انا حسا ان مش انت اللى كاتب الكومنت
ومتسالش ليش؟
يلا خلى بالك منك
تيجى بالسلامة
مس يوووووو اوى
همبكاوى هانم
شكلك كدا ناوية على علقة تاخديها تكسر عضمك
عاوزين ادب واحترام والا مش هيحصل طيب وانتى عارفانى مفترية
ها
واخده بالك
وحشتينى
سلاموتو
ahlan ya ......moftareya ana bardo ba7’od 3al2a
law kont neset....afakarak 7abeby
السلام عليكم ورحمة الله وبركاته
لولا ان الرسول صلى الله عليه وسلم نهى عن ان نمدح المرء فى وجهه
لمدحتك كثيرا
بارك الله فيك واستجاب دعائك
لا تنسى ابدأ اخلاص العمل لله
ادعوك لزيارة مدونتى المتواضعه مدونة مزاج
وتسمحيلى اعمل ليكى لينك عندى ؟
كائن نور انى
كل سنه وانتى طيبه يا قمر
اهم حاجه نتعلم من السنه اللى فاتت
وبس
تحيه
انها لحظه تاريخيه
و يالها من لحظه
كل سنه و انت طيبه
اسمحيلي اعلق علي كلامك الراقي، كل سنه وانت طيبه وعقبال 122 وان شاء الله تكوني حققت كل اهدافك واحلامك
الي الامام .........
كل سنه وانتي طيبة يا زوزي وعقبال مليووووون سنة .
معلش انا عارفه انها جت متاخره شويه هما مش شويه هما كتير بس بلجايتي لسه معموله قريب ياريت تشرفيني فيها
Post a Comment