وبعدين يعنى؟؟اخرة اللى احنا فيه دا ؟؟ايه؟؟ يــــــــــــــارب
قلبنا لو نطق هيشتكى....عنده حق...مظلوم معانا ....
شعور الفقد اللى حسه مش سهل .... يهدى يهدى وبعدين تقوم عليه عاصفة صعبة اوى او نسميها نوبة
وقتها بيبقى مش قادر يحس بأى حاجه...مش فاكر من شريط حياته غير اخر ايامه
احاسيس سعادة وفرحة وحيـــــــاة كان مفتقد معناها
بين يوم وليلة وفى عز هناها
وبعد اجمل ليالى فرحتها
اتقتلت كل الاحاسيس دى
اتظلم واتقهر
لكن المرة دى مش ظلم اهل لمواضيع صغيرة
لا دا قهر ظالم... لحلم عمر بحاله
اتقتل الحلم فى عز طفولته ..وساب جوانا جروح ما لهاش آخر
جروح خلتنا فاقدين طعم الحياة ..حتى لو حسيناه بنحسه مر
خلتنا اقل حاجه تعصبنا على آخرنا ..واكتر حاجه تفرَح تخلينا نبتسم
بسمة زيها زى البكا
ناس فينا اتقسموا اتنين .. وناس فقدت الاحساس بالحياة
وناس لسا بتحاول تستوعب اللى حصل ..
بتحاول تستوعب حال ناس كنا بنساعدهم وفقدونا
الناس دى كانت هى مصدر سعادتنا مش العكس
حال شباب شاف فجأة الدنيا بمبى وفى ثانية قلبت سواد عاتم
مش قادر يغير نظرته حتى لوعارف ان دا غلط ؟؟
لكن هيعمل ايه متكتف..والقيود رجعت تانى
فقد القدرة حتى على مساعدة أقرب الناس ليه؟؟
ماهو ازاى هيساعد وهو مش قادر يساعد نفسه؟؟
وبيدور فى دماغه كتير هو دا كان ايه؟؟
اتباع هوى
ولا فرحة بلمة
ولا طاعة لربنا بجد ؟؟؟
اسئلة كتيرة ؟؟؟؟
طيب واللى حصل دا ليه؟؟
استبدال
ولا حرمان من نعمة
ولا غضب
ولا رسالة عشان نعمل حاجه احسن؟؟
ولما بسمع
اذا اردت ان تعرف قدرك عند مولاك فانظر فيما يستعملك
سهم بينضرب فى قلبى
دا معناه ايه؟؟
انا فين فى الحياة ؟؟؟وعند ربنا فين؟؟
بنحاول كتير نضحك بصوت عالى لكنها بتبان كدبة
بطلوا كدب على نفسكم ..عنيكم بتقول كل حاجه
ايوا
بتقول انها كل يوم دموعها مش بتنشف حتى لو بكت بالساعات
بتقول ان المخده بدأت تشتكى من دموع.. وأرق.. وقلق
بتقول لحد امتى هنفضل كدا؟؟؟
بتقول انها محتارة....ربها راضى ولا زعلان؟؟؟
بتقول خلاص بقى حاولو تفوقوا؟؟
العايط على الفايت نقصان فى العقل
اهو كلام!!!!
الاحساس بشئ.... حاجه جميلة اوى والعمل ليه والسهر فى التفكير فيه
احنا كنا حبينا خلاص!!!!
لكن فاضل ذكرى ...نفتكرها..و نبتسم ونتبسط لفترة قليلة
بعدها تبدأ النوبة اياها تانى
وبتظهر كمان مع التعرض لاى حد منهم
تفتكر دنيا جميلة ..وافكار جميلة ..وأحلام اجمل؟؟
بعدها تدخل فى ضربة على دماغك قاسية اوى ..يمكن تفضل لمدة كبيرة متضايق
اكيد فى حل!!؟؟؟؟
الحل فينا بس مش عارفين نعمله ؟؟ايه اللى مقيدنا
خيبة ولا غباء!!!!!
ولا زهق وفيلم اتحرق!!!
بدايته.. احساس بربنا اكتر شوية وتظبيطات وشغل اكتر
واكيد هتفرج...
اينعم هما قتلونا وحرمونا
بس عرفونا ناس من زمان كنا نحب نقابل زيهم
اتعلمنا من بعض كتير
احنا كمان بنوعدهم
كل يوم باليل ينتظروا دعوات من قلب ام مفطورة على ابنها اللى مات فى عز فرحته بطفولته
ويا بختهم بدعوة المظلوم بقى!!!
يارب ان سألتنى عن ذنبى
لأسالنك عن رحمتك
ولان سألتنى عن معصيتى
لأسألنك عن عفوك
وان قذفتنى فى النار لأخبرن أهل النارأنى
أحبك
22 كومنتاية قليلة تمنع بلاوى كتيرة:
ايه الصدفه الجميله دي اللي تخليني موجود على البوجات وقت ماتكتبي انتي بلوجايتك الجديده
المهم الموضوع حزين وكئيب كعادة البوستات دلوقتي معرفش ده مرض وله ايه بالظبط وياريت لو مرض يادكتورة تعالجينا منه بسرعه وله بس انتم بتدرسوا ازاي تقطعوا اللسان وبس
اما بالنسبه لموضوع المخده فبيتهيألي ممكن تقلبيها على الناحيه التانية انا بعمل كده لما بيكون الجو حر
والجمله بتاعة
العايط على الفايت نقصان فى العقل
مش فاهم ايه العايط ده بيتهيألي لو كانت كلمة العياط كان يبأه افضل
وأجمل جمله في البوست
كل يوم باليل ينتظروا دعوات من قلب ام مفطورة على ابنها اللى مات فى عز فرحته بطفولته
بس ياريت تغيري لفظ طفولته وتخليه الطفوله مش هيفرق معاكي قوي بس هيفرق معايا كتير وهيخلي الجمله اجمل
بس للأسف الجمله دي ملهاش معنى في البوست ولو ليها ياريت تشرحيلي
وايه دخل دعوة الام في دعوة المظلوم بس وله خلاص الامهات بقم مظلومين اليومين دول ؟؟
اما الدعاء ده
يارب ان سألتنى عن ذنبى
لأسالنك عن رحمتك
ولان سألتنى عن معصيتى
لأسألنك عن عفوك
وان قذفتنى فى النار لأخبرن أهل النارأنى
أحبك
جميل جدا جدا جدا وبصراحه مسمعتش الدعاء ده قبل كده
ربنا يوفقك وياريت البوست اللي جاي يبأه نكت بأه علشان كده اوفر
زوزي احترمي نفسك
بجد محدش ناقصك
كدا كتييييييييييييييييييييييييييييير
انت زودتيها
مش عارفه أقولك ايه
لو كان الكلام هيريحك اتكلمي وفضفضي وابكي
بس مش هنعترض ومش هنقول إلا اللى يرضي ربنا
وهنعمل اللى في الإمكان
هو تحدي
يمكن تقدر تهدم الحلم اللى بنيته
لكن مش هتقدر تمنعني أحلم مليون حلم غيره
جايز قدرت عليا
بس ربنا قادر عليك
جايز ببكي وبشكي وبتألم
بس مش ممكن هسلم
يا رب إن عظمت ذنوبي كثرة فلقد علمت بأن عفوك أعظم
إن كان لا يرجوك إلا محسن فبمن يلوذ ويستجير المجرم ؟
كل يبتلى على قدر ايمانه ولذالك فان اشد الناس ابتلاء الانبياء
بوست جميل جدا جدا جدا
ومتفق معاكي في ان البكاء على ما مضى نقصان في العقل وفي حاجات كتير
كما ان دعوة المظلوم ليس بينها وبين الله حجاب
زي ما انا بدعي على الدكتور الي عندنا دلوقتي
سلامتو
الدعاء جميل قوي بجد
ربنا يجعله في ميزان حسناتك يا رب
اما بقي البوست فكتله من الحزن تتحرك بالكلمات
بجد وصلني احساسك كله
ربنا معاكي يا رب
تحياتي
حقك علينا بس مش بايدينا
قولي اللي عندك لحد مايخلص
وبعديها شوفي خمسين باب مفتوحين
أولا أرد على الخيط الرفيع وهيه بتقول كده كتير ومفيش حد ناقصك ... معلش يا هتدخل مابينكم وأقول بلاش لعبة الأخت الكبيرة دي ... كل واحد من حقه إنه يكتب اللي حاسس بيه ... بلوجتي وأنا حرة فيها عايزة تقري أهلا وسهلا مش عايزة ... يبقى ما تحجريش على كلامي
ثانيا
ردا على كائن نوراني بقى ... افتكري كلام ون ترو على الجروب ...هوه احنا ملك نفسنا؟؟؟ احنا شطرنجات بيحركها ربنا ... إن الله اشترى من المؤمنين أنفسهم وأموالهم بأن لهم الجنة ... فاستبشروا ببيعكم الذي بايعتم
يبقى م الآخر ... ربنا عارف احنا مصلحتنا فين ... سواء جابنا كده أو حط قصادنا كده ... طالما يارب انت رضيتلي بكده ... فأنا راضي
ويا سلام لما تبقى سعيد بقى مش راضي وبس ... برضه كلمة ون ترو ... وعندها حق فيها لإن السعادة تفوق الرضا
ثالثا
يارب ان سألتنى عن ذنبى
لأسالنك عن رحمتك
ولان سألتنى عن معصيتى
لأسألنك عن عفوك
الكلام ده اتذكر في حديث ... والحديث ده ضعيف ... وعلق عليه علماء كتير جدا وقالوا حتى المتن ... اللي هوه الكلام نفسه فيه إساءة أدب مع ربنا ... لايسئل عما يفعل وهم يسألون
يبقى عيب أوي إني أقف ند لربنا .. ويسألني سؤال أرد عليه بسؤال
ربنا يهديكي ويعينك ويريحك
ده اختبار يا إما هيقربنا من الجنة... يا إما هيبعدنا عن النار ... بس ده لو صبرنا... ورضينا وسعدنا باللي ربنا كاتبهولنا
اهلن بيك يا وايت
معلش للتاخير
بس مكنتش مظبط حبة
الموضوع يطول شرحه
عديها المرة دى
خلى بالك من دراستك
سلاموتو
شكرن يا فوفو على بقين الهزقة دول
تعيشى وتهزقى
واهو سكايار رد عليكى
تسلميلى يا دودى يارب
يا مطبطب عليا
كلامك ديمن حساس ولذيذ
ربنا يخليك يا برويد
ديمن منورنى
انا كمان بحب الدعاء دا جدن
تحياتى
ازيك يا كنج
منورنى
اخبار امتحاناتك ايه؟
ربنا يوفقكم ويكرمكم
بجد كلامك مفيد وديمن بتضيف
تسلم يا دوك
سلاموتو
حلاوة
منور يا فندم طبعن كعادتك
ربنا يفتح لنا كل الابواب ويقدر نعمل
حجات كتير اوى ومقتنعين بيها
دعواتك
شكرن لاهتمامك سكايار
ولانك لفت نظرى
وشكرن لردك على فوفو
متنسناش فى سجودك
ياريت
انا رديت على التعليق اللى عندى
ياريت تبص عليه
عودن احمدن و محمدن و محمودن
ههههههههههههههه
مررت بمدونتك الجميلة فأعجبتنى للغاية
تحياتي
ازيك يا افندم ايه الحلاوة دى بجد انا مش عارف اقول ايه
بوست جميل جداااااا وبلوجايه فوق
الروعه بجد وطبعا وكلام جامد جدااا انا بجد مش لاقى كلام اوصفهولك من كتر ما انا مندهش للكلم على ما قد ان فيه كئابه بس ليه معنى ومش اى حد بيحس بالكلام ده بس بجد انا مبسوط جداا من شغلك ده عجبنى قووووى وبراحه شوية على الناس وعلى رأى حلاوة
حبه حبه على من احبه
ومعلش اانا عملت الكومنت ده متأخر انتى عارفه انا عامل البلوجايه بتاعتى متأخرة بس ان شاء الله هزورك تانى
واتمنى انك تزورى البلوجايه بتاعتى وتقوليلى ايه رايك
يااا علا الله ياللي هنا ؟؟؟؟
إيه يا جدعاااان البلوجات المهجورة دي؟؟؟ ايه يا حاج نيووووني هوه فيه حد ضرب اللمبة بالطوبة ولا إييييه؟؟؟
هوه صحيح الصورة دي أرحم شوية من بتاعة الحاج غرزة ... لكن بقالنا شهر برضه مستنيين اي حد يعمل حاجة
المهم لو مفيش كتابة ابقوا حتى نزلوا ميني بوست من بتوع الواد عاشق ده قولوا فيه صحينا م النوووم ... أو نمنا تااااني أي حاجة
ربنا يعينكم يا رب ويسدد خطاكم ... ويقويكم
سكايار
من مهيب الركن الى الكائن النورانى
بالامر المباشر عايزين بوست جديد
كده كتير
انا انا تاني كنت بكتب ولقيتني بكتب بالفرنساوي ... وبعت الكومنت بالفرنساوي معلش .... انت إيه النظاااام ... هيه الذكرى دي مش هتخلص؟؟؟
يا ستي ذكرى اتقتلت ... ابوووس ايدك ركزي ... ونزلي بوست جديد
zozo basha wa7sh el shasha enty mesh me7taga raey fe kalamek kffaya en enty elle katbah
Post a Comment